________________
४२
सिरिपउमप्पहसामिचरियं
तत्तो जत्तासमए, अणालवंतो वि पिच्छिओ उचिओ । देसंतरपत्ताणं, को जाणइ केरिसं होही ? ॥५२६॥ इय चिंतिय निय चिंतयमत्थं कहिऊण चित्तलेहाए । सहिया सहीए तीए सायरचंदंतियं पत्ता ॥२७॥ निच्चं वज्जियकज्जलउज्जलनयणा विसद्धवरदसणा । हरिचंदणपंकाविलवसणा विगलंत-मणि-वलया ॥५२८॥ मोत्तियमित्ताभरणा, रम व्व तक्कालमहणउप्पण्णा । तवखीणा गोरी विव, गंग व्व जगतपरिहीणा ॥५२९॥ चित्ता निच्चलचित्ता, थंभावटुंभधरियनियदेहा । रयणमयसालभंजियसोहं सहसा सहति व्व ॥५३०॥ सूसंताहरपत्ता, समीवपत्ता वि कहमवि चिरेण । कज्जंतरसज्जेणं, सायरचंदेण सा दिट्ठा ॥५३१ ।। नियपरियणवावारणसंभासणवाउलो वि तं दटुं । मुहथंभणिविज्जं पिव सहसा मोणं समल्लीणो ॥५३२॥ नियपियकमकमलेसुं, पडिऊण पयंपए तओ मुद्धा । किं कज्जं नियभज्जं विलवंतमुवेहसे सुहय! ॥५३३॥ भवसयसंचियदुक्कयहयाए मह नाह ! तुह मणे को वि । दोसो वसिओ तेणं, भत्तं रत्तं पि मं चयसि ॥५३४।। बहुएसु वि वरिसेसुं, गएसु संकप्पियस्स दोसस्स । न कया तए परीक्खा, पिच्छ मह पाव-परिणामं ॥५३५॥ एगत्थ वसंता वि हु, तह गणगणसयणऊससंता वि । दिट्ठीइ वि न वि अहयं, तमए संभासिया कह वि ॥५३६॥ इह पुण जत्ता समए, तमए संभासणाइ सविसेसं । दासाण वि निम्मवियं, एक्का मुक्का अहं पावा ॥५३७॥ खेमेण तह वि वच्चस, मग्गा तह हंत सिवकरा सव्वे । आगच्छसु पुण हच्छं, पुणरवि मह हवसु दिठिपहे ॥५३८॥
Jain Education International 2010_04
For Private & Personal Use Only
www.jainelibrary.org
