________________
सिरिपउमप्पहसामिचरियं देसंतरियनराणं, मारण-भोयणनिवारणाइदुहं । किं देसि ? अप्पसिद्धी, एसा देसंतरे गमिही ॥३४७॥ सो आह सावराहं, नाहं मुंचेमि नाह ! कह वि इमं । तह वि हु पहुवयणाओ, विमुक्कबंधो कुणइ सेवं ॥३४८॥ एवं ति महीवइणा, भणिए सो साहसंककुमरस्स । निच्चं निब्बंधेणं, विमुक्कबंधो कुणइ सेवं ॥३४९।। सह किंकरेहिं भुंजइ, जुंजइ आइट्ठ सव्व किच्चाणि । चिट्ठइ दुवारदेसे, निच्चं निम्भिच्चभिच्चु व्व ॥३५०॥ अह साहसंकसम्मुहमवलोयंतो विचिंतए एसो । किं पउमावइ भाया ? अहवा पउमावई चेव ? ॥३५१ ।। धुवमेस जमलजाओ, तिस्सा अह वेगबिंटखुडिओ व । अहवा सा चेव इमा, गुलिया मंताण संछन्ना ॥३५२॥ चिरकालनिबिडसेवा, पसनवयणं वियाणिउं मंतिं । विनवइ नाह ! मुंचसु, मिलेमि निय जणणि-जणयाण ॥३५३॥ हसिऊण सो पयंपइ, नाहं मुंचेमि जीवमाणं तं । मह पासे चेव ठिओ, जं जाणसि तं कुणिज्जासु ॥३५४।। सो आह सत्थवाहो, सामिय ! मा कुणसु दीहरं रोसं । केणावि पयारेणं, मुंच पसायं करेऊणं ॥३५५।। तो आह साहसंको, जइ चरणतलेसु घयपलं मज्झ । आवट्टयसि तओ हं, मुएमि नन्नह जुगते वि ॥३५६।। आम ति तेण भणिए, भवणोवरिभूमियाइ सो मंती । सज्जोभिमाणपूरणसज्जो सिज्ज समल्लियइ ॥३५७।। सिसिरजलपुत्रपालयहत्थो, सुत्तस्स सत्थवाहो से । पक्खालइ पायतले, उप्पलकोमलकरयलेहिं ॥३५८।। नासासुहयरघयपलपुत्रं कच्चोलमप्पणो पासे । मुत्तुं मंद मंदं, पयजुयलं तप्पए तस्स ॥३५९॥ । पहरे वि वइक्कंते, पारं न वि देइ घयपलं कह वि ।
Jain Education International 2010_04
For Private & Personal Use Only
www.jainelibrary.org
