________________
हंसपालकहा
अह अवसोयणि-तालुग्घाडणि विज्जाए मंतिगेहं सो । परिमुसइ पारिमोसियपावियलीहो निसीहम्मि ॥२८१ ॥ सचिवस्स चोरचिंता, संताणगयस्स निययपरिसेहिं । कहियं तुह भंडारा, परिमुसिया अज्ज नीसेसा ॥२८२ ।। एवं गेरुय-तावस-तिदंड-कावालिया य जोइसिया । विहिय पइना तेणं, विडंबिया हरिय सव्वस्सं ॥२८३॥ अह रायपायपासं, पत्ता वीसंभघाइणी निच्चं । जंपेइ सिंभली धुवमहं, मुणिस्सामि पहु ! चोरं ॥२८४॥ नामेण मयरदाढा, गाढावट्ठभसंजुया एसा । पत्ता नियम्मि भवणे, विविहोवाए वि चिंतेइ ॥२८५॥ सो तक्करो निसाए पत्तो तिस्सा दुवारदेसम्मि । काऊण अंगभोगं, सारं सज्जित्तू सिंगारं ॥२८६॥ पढम चिय सो पिच्छइ, दुवारदेसम्मि दासियं खुज्जं । तो मुट्ठिपहारेणं, सज्जं सज्जो कुणइ खुजं ॥२८७॥ सा सिंभलीए गंतुं, साहइ पिच्छेसु मज्झ तणुलच्छिं । केणा वि सुपुरिसेणं, विहिया एयारिसी अहयं ॥२८८॥ सो कत्थ कत्थ ? चिट्ठइ, पुरिसो त्ति पयंपिरी तओ अक्का । पत्ता तस्स सयासे, दासीए तीए सह सहसा ॥२८९॥ सा कुट्टिणी पयंपइ, हत्थं हे वच्छ ! कुणसु मं तरुणिं । जं मग्गसि सिच्छाए, दव्वं तं देमि तुह सव्वं ॥२९०॥ सो आह तुज्झ दव्वं, सव्वं साहीणमंब ! मह चेव । किं पुण तं चिय कज्ज, तुमए जमहं पयंपेमि ॥२९१॥ निबिडं कवाडसंपुडमाबंधित्ता गिहस्स मज्झम्मि । ठाउं ओसहिमेयं, नियवयणे पक्खिविज्जासु ॥२९२॥ जाए पभायसमए, तरुणतरट्टी हवेसि तं अक्के । अक्करस वि रूवेणं, निएण थंभेसि तयणु रहं ॥२९३॥
Jain Education International 2010_04
For Private & Personal Use Only
www.jainelibrary.org
