________________
हंसपालकहा
उल्लसियकोउहल्लेण, राइणा आहवित्तु सयमेव ।
अन्नं पि किं पि जाणसि, एवं सो पुच्छिओ वयइ ॥ २५५ ॥ रमणीणं चउसट्ठिं, कलाबहत्तरं च पुरिसाणं । सम्मं जाणेमि जए, तं नत्थि न जं वियाणामि ॥ २५६ ॥ भणियं नराहिवइणा, मज्झ सुया संति अयल - विजयाइ । सयलं कलाकलावं, ते सव्वे जाणविज्जासु ॥ २५७॥ तो तेण छंद - लक्खण-तक्क- धणुव्वेय-नव्वकव्वाणि । दंडाउहछत्तीसं, सव्वे अज्झाविया कुमरा ॥२५८॥ थेवेहिं वि दिवसेहिं, जाणविया तेण तह इमे कुमरा । वाएण सुरगुरुं पि हु, जिणिति तह एक्कहेलाए ॥ २५९ ॥ राया विम्हियचित्तो, जंपर पिच्छित्तु कुमरकोसल्लं । हो साहसंक ! साहसु, किं दिज्जइ तुज्झ मणइट्ठे ? ॥२६० ॥ सो आह हे नरेसर ! देसु महं सुकमंडवीमुद्दं । गामेण व देसेण व, रज्जेण वि नत्थि मे कज्जं ॥२६१ ॥ ना तह त्ति विहिए, सो मुद्दं पाविऊण सिच्छाए । करणायारं सव्वं, करेइ रत्ना अणुनाओ ॥ २६२ ॥ जंप य मज्झ करणे, दाणं दायव्वमद्धपरिमाणं । न उणो कयाणगेसुं, असच्चकहणं कहेयव्वं ॥ २६३ ॥ जो पुण असच्चकरणं, कहिज्ज पावस्स तस्स कायव्वो । सिच्छाए मए दंडो, इय एसा मज्झ छेवाडी ॥ २६४॥ समयंतरम्मि स्नो, अत्थाणसहागयस्स पुरलोओ । विन्नवइ समागंतुं, नरिंद ! दंसेसु जणठाणं ॥२६५॥ एसा पुरी असेसा, केण वि तह तक्केरण परिमुट्ठा । जह मणि - सुवण - सुण्णा, धणिजणभवणावली जाया ॥ २६६ ॥ सह परियणेण सामिय ! जागरमाणेहिं सावहाणेहिं । दीसइ न को वि पुरिसो, निसाए नयरम्मि भममाणो ॥ २६७॥
Jain Education International 2010_04
For Private & Personal Use Only
२१
www.jainelibrary.org
