________________
२०
सिरिपउमप्पहसामिचरियं
तीए गुलियाए एसा, नररूवं निम्भवित्तु अभिरूवं । पविसइ पुरस्स मझे, गच्छइ वुड्ढाए गेहम्मि ॥२४२ ।। पवसिय सुयाइ तीए, सुउ त्ति पडिवज्जिया अदिट्ठा वि । दिट्ठा वि अदिट्ठा वि य, मिलंति धणियं सपुत्राणं ॥२४३॥ नामं जणाण मज्झे पयडइ अप्पस्स साहसंको त्ति । विम्हावइ रूवेणं, कलाहिं सयलं पुरीलोयं ॥२४४।। वुड्ढाए पणस्सद्धं, अप्पित्ता आणवेइ सिहिपिंछे । हिंगुल-गुलियापमुहं वनं अनेण अद्धेणं ॥२४५॥ बरिहिणिपिच्छवएहिं, बहुविहविच्छित्ति भत्तिसंजुत्तं । निम्मवइ तालविंटं, कित्तियदिवसेहिमइरम्मं ॥२४६।। एगत्थ रायवाडी, हय-गय-पाइक्कचक्कसकिन्ना । तह विहियं नामंकं, एवं नरवम्मनरवइणो ॥२४७।। अवरत्थ सपायारं, पासायपरंपराहिं रमणिज्जं । रइयं विहारसहियं, तं सयलं सुंसुमारपुरं ॥२४८।। भणिया वुड्ढा गच्छसु, रायपहे तालविंटवरमेयं । पंचहि सएहिं सोलस अहिएहिं विक्किणिज्जासु ॥२४९॥ तं गिण्हिय रायपहे, सा गंतुं पुरजणाण दंसेइ । निच्चं पि जणो पिच्छइ, चयइ महाचं ति सव्वो वि ॥२५०॥ पुरजणपरंपराए, रनो कनेसु निवडिया वत्ता । तेण वि सकोउएणं, आणविय निरक्खियं सम्मं ॥२५१ ।। त नवविनाणं तह, नियनामं पिच्छिऊण तुट्टेणं । दुगुणं मुल्लं तिस्सा, दवावियं तेण नरवइणा ॥२५२॥ दाणेसराण विहवेसराण, दक्खाण तुट्ठचित्ताण । गरुयाण पत्तकालं, नत्थि अदेयं जए किं चि ॥२५३॥ कस्सेयं विव्राणं रना पुट्ठा पयंपए वुड्ढा । मह देव ! देवकुमराकारस्स सुयस्स कोसल्लं ॥२५४।।
Jain Education International 2010_04
For Private & Personal Use Only
www.jainelibrary.org
