________________
४४६
सिरिपउमप्पहसामिचरियं
निय नयरम्मि ठियाए, रोगाइविमुक्कदेहाए ।। ७३८ ।। रायाइजणो मुणिपयमूले, नियजुग्गयाए गिण्हित्ता । नियमे नियम्मि ठाणे मुणिनाहं नमिय संपत्तो ।। ७३९ ॥ निच्चं पि चंदलेहा सम्म सामाइयस्स पडिवत्तिं ।। सुद्धंते सुद्धमणा, कुव्वंती गमइ बहुकालं ।। ७४० ।। अन्नदिणे सामाइयगहणं, काऊण निच्चमुज्जुत्ता ।। आवस्सयं पि काउं, काउसग्गे ठिया एसा ।। ७४१ ।। धम्मं झियायमाणा, दोहिं वरवाणमंतरसुराहिं ।। सम्मत्तं मिच्छत्तं उव्वहमाणाहि सा दिट्ठा ॥ ७४२ ।। समत्तधरा देवी, जंपइ सुर-असुर-नरवरिंदा वि ।। धम्मज्झाणाउ धुवं, एयं चालेउमसमत्था ।। ७४३ ॥ अवरा पभणइ पिच्छसु, सामत्थं मज्झ एत्थ कज्जम्मि ।। इय जंपियवेयाला, घोरा विउरुव्विया तीए ।। ७४४ ।। करकलियकत्तिनिवहा मुहकंदरनीहरंतगुरुजाला ।। ते घोररावतासिय-दिसागयंदा पयंपंति ।। ७४५ ।। पाविट्टि ! इमं मुंचसु झाणं उव्वेयकारणं अम्ह ।। अन्नह इमे वि रुठ्ठा, सहस त्ति तुमं गिलिस्सामो । ७४६ ॥ सा न वि जंपइ जाला, ताला सव्वे वि झत्ति वेयाला ।। तिमिराणि व्व पभाए, अदंसणं चेव संपत्ता ।। ७४७ ।। एवं तीए गइंदा, तहय मयंदा वि उच्चिया ते वि ॥ उवसग्गं काऊणं,विहला जाया पुरो तिस्सा ॥ ७४८ ।। तत्तो सुरमायाए, रायं गिण्हित्तु केसपासम्मि ।। होऊण पुरो तिस्सा, जंपइ सा वंतरी पावा ।। ७४९ ।। अइधिटे निल्लज्जे ! एवं परिहरसु नियमणुट्ठाणं ।। अन्नह इमं वहिस्सं, मा भणिहिसि जं न कहियं ति ॥ ७५० ॥ विहियम्मि तीए मोणे, वंतरमायाए जंपए राया ।
Jain Education International 2010_04
For Private & Personal Use Only
www.jainelibrary.org
