________________
४४५
चंद्रलेहाकहा
पायालगिहे पत्तो, सच्छंदं रमइ नरनाहो ॥ ७२६ ।। ता गव्वो ता रोसो ताव च्चिय पुव्वदोससंभरणं ।। उक्कीरिय व्व हियए, जाव चहुटुंति नेव गुणा ।। ७२७ ।। वरिसाण सहस्सेसुं, वक्रतेसुं बहूसु तम्मि पूरे ॥ कुसुमायरमुज्जाणं,अभयंकरसूरिणो पत्तो ।। ७२८ ॥ राया वि चंदलेहा सहिओ गंतूण तत्थ तं सूरिं ।। विहिपुव्वं नमिऊणं, उवविट्ठा उचिय देसंम्मि ।। ७२९ ॥ गुरुणा वि धम्ममग्गो, पयासिओ निव्वुईए मग्गो व्व ।। भो भव्वा ! न पमाओ कायव्वो दुक्खसयहेऊ ।। ७३० ।। उक्तं चःश्रेयो विषमुपभोक्तुं, क्षमं भवे क्रीडितुं हुताशेन ।। संसारबंधनगतैर्नतु प्रमादः क्षमः कर्तुम् ।। ७३१ ।। तस्यामेव हि जातौ नरमुपहन्याद्विषं हुताशो वा ॥ आसेवितः प्रमादो, हन्याज्जन्मान्तरशतानि ।। ७३२ ॥ परिहरिय तो पमायं छव्विहआवस्सयम्मि निच्चं पि । उज्जममवस्स कज्जे, करेह सामाइयप्पमुहे ।। ७३३ ।। तत्थ वि समभावेणं, करिज्जसामाइयं सया चेव ।। । इच्छंतो निट्ठवणं, रागद्दोसाइदोसाणं ॥ ७३४ ॥ वरतित्थे पत्तो वि हु पत्ते मरणे वि जो न समभावं ।। चित्तम्मि धरइ न लहइ, सो सग्गं वापवग्गं वा ।। ७३५ ।। जह एत्थ चंदलेहे गयाए सत्तुंजयम्मि नरनाहे ।। कयविद्देसाइतया, नरभवमित्तं तए पत्तं ।। ७३६ ।। सोऊण इमं एसा, गिण्हिइ संमत्तसंजुयं तत्थ ।। सामाइयस्स नियम, अवगयगुरुवयणपरमत्था ॥ ७३७ ।। तथाहि :एगम्मि एगवारं, दिणम्मि सामाइयं मए कज्जं ।।
Jain Education International 2010_04
For Private & Personal Use Only
www.jainelibrary.org
