________________
वसंतकुमारकहा
४४७
हा देवि ! किमारद्धं, मह मरणकरं इमं तुमए ।। ७५१ ॥ परिहरसु अणुट्ठाणं, एयं पसयच्छि ! जेण जीवेमि ।। इत्थीहिं धुवं भत्ता तायव्वो सव्वहा चेव ।। ७५२ ।। अह सा चिंतइ संपइ मह नाहो नूण संकडावडिओ। तो वंतरीए भणियं, करेमि किं दइयकज्जेण ।। ७५३ ।। अहवा न जुत्तमेयं जंपिय पमुहा अणंतसो पत्ता ।। एत्थ भवे सयणगणा, अखंडनियमो न संपत्तो ।। ७५४ ।। मरणं च जीवियं वा धणगणसयणाइयाण हाणी वा ।। अन्नं पि हवउ नाहं, निय नियमं भंजइस्सामि ।। ७५५ ।। इय तीए निच्चलाए, घायचउक्के खणेण खीणम्मि ।। उपन्नं वरकेवलनाणं संहरियसंदेहं ॥ ७५६ ॥ आसन्नसुरवरेहिं, उवणीयं गिण्हिऊण जइ-मुई ।। काऊण पंच-मुट्ठियलोयं, अच्छरियसंजणयं ।। ७५७ ।। सुरविहियपाडिहेरा, साहइ धम्मं असेसलोयाणं ।। तीए वि वंतरीए, पयडाए खामिया तत्तो ।। ७५८ ॥ दुल्ललियनिवप्पमुहं, लोयं पडिबोहिऊण सा कमसो ।। सत्तुंजयम्मि सेले निव्वाणमणुत्तरं पत्ता ।। ७५९ ।। जह विहिणा सामइयं, पालियमेयाइ चंदलेहाए । अन्ने वि हु सामइयं तह पालह मोक्खमिच्छंता ।। ७६० ।।
॥ इति सामायिके चंद्रलेखा कथा ।। गाथा ६६४३ ।। देसावगासियवए वसंतकुमार कहा :पुव्वं दिसिपरिमाणे गहिया जा जीवजीविया संखा ।। सा संखिप्पइ पइदिणमेयं, देसावगासियं वयं ।। ७६१ ।। अहव परिग्गहमाणे, विहिया जा जावजीविया संखा ।। धण-धण्ण-रुप्प-कंचण-खेत्तप्पमुहाण वत्थूणं ॥ ७६२ ।। पइवरिसं पइमासं पइपक्खं पइदिणं पि सा संखा।।
Jain Education International 2010_04
For Private & Personal Use Only
www.jainelibrary.org
