________________
चंद्रलेहाकहा
४३१
एत्थंतरम्मि कीरो निठुरचित्तो नमित्तु नरनाहं ।। सुयसहिओ तं मोत्तुं, पत्तो मलयद्दिसिहरम्मि ।। ५४९ ।। सकरुणमंतिपणामिय-सीयल उवयार-लद्धचेयन्ना ।। लोएण ससोएणं, पलोइया सा वि उड्डिणा ।। ५५० ।। तित्थाणमाइ तित्थे सत्तुंजयपव्वयम्मि सा गंतुं ।। पणमेइ भत्तिजुत्ता, पढमजिणं पढमगणहारिं ।। ५५१ ।। भणिऊण नमुक्कारं जिणपुरओ चउविहंपि आहारं ।। परिहरइ जावजीवं, जीवियतारुण्णनिव्विन्ना ।। ५५२ ।। जे भव्वा इह तित्थे जत्तिं कुव्वंति भत्तिसंजुत्ता ।। परमत्थेण जत्तं करंति ते सिद्धनयरीए ।। ५५३ ।। जइ पुण एत्थ वि तित्थे पंडियमरणं पि पुनजोएणं ।। पाविज्जइ तो मन्ने मरणाण जलंजली दिन्नो ।। ५५४ ।। अवरं चःसरणं न होइ सरणं न य भत्ता नेयभायरो जाओ। तणओ वि नेयसरणं, संसारे जिणमयं मोत्तुं ।। ५५५ ।। इच्चाइ भावयंती,भावविसेसेण निवइगयचित्ता ।। पाणेहिं परिचत्ता उप्पना कंचि नयरीए ॥ ५५६।।
(चतसृभि : कलापकं) चंदणदुमो व्व तत्थ वि पुरीए सव्वंगसीयलायारो ।। सेट्ठी चंदणसारो, निवसइ धणरयण-परिकलिओ ।। ५५७ ॥ सेट्ठिस्स तस्स धूया बहूण पुत्ताण उवरि सा जाया ।। नामेण चंदलेहा, रूववइसुं परा रेहा ।। ५५८।। संजायजाइसरणा, जिण-धम्म-परायणा भवज्झा सा । कमसो कलाहिं कलिया, सियपक्खे चंदलेह व्व ।। ५५९ ।। सम्म सम्मत्ताई जिणिदधम्मं करेइ सा बाला ।।
Jain Education International 2010_04
For Private & Personal Use Only
www.jainelibrary.org
