________________
चंद्रलेहाकहा
४२९
सत्थे वि सुम्मइ इमं, अप्पावे ! जायए पुत्तो ।। ५२३ ।। भणियं तीए सुपुरिस-पुत्तो माऊए चेव आहवइ ।। जणयाउ जेण जणणी, अइसयपुज्जा जओ भणियं ।। ५२४ ।। उपाध्यायाद्दशाचार्या, आचार्याणां शतं पिता ।। सहस्रं तु पितुर्माता, गौरवेणातिरिच्यते ।। ५२५ ।। विवयंताणि य ताणि वि पुत्तेण जुयाणि निच्छियनिमित्तं ।। पत्ताणि मलयसेला सन्नाए कंचिनयरीए ।। ५२६ ।। परपत्थिवसीमंतिणि-सीमंताभरणहरणदुल्ललिओ ॥ दुल्ललिओ नाम तहिं, रज्जं पालेइ नरनाहो ।। ५२७ ।। विज्जाहरसंसग्गा, निब्भयहिययाणि ताणि निवपासे ।। गच्छंति अंतरिक्खे, ठिओ सुओ थुणइ नरनाहं ।। ५२८ ॥ सो जयइ निवो आणणठाणं लहिऊण जस्स सा वाणी ॥ चउराणणं विमुंचइ, लज्जा मज्जा य परिचत्तं ।। ५२९ ।। एगं दाहिणचरणं, उन्नमिऊणं पणामपुव्वं सा ।। विन्नवइ भूमिनाहं, कीरी वि हु महुर-सद्देहिं ।। ५३० ।। मोत्तूण कूड-निनयरो दोसाइ दूसियं सग्गं ।। जस्स मूहे अवयरिया, वाणी सो जयइ नरनाहो ।। ५३१ ।। भो कीरराय ! दइया, सहिओ आगच्छए एत्थ भयरहिओ ।। तुह दंसणकोउहल-हल्लप्फलिओ अहं जेण ।। ५३२ ।। इय भणिरे नरनाहे, तं मिहुणं रायपायपासम्मि ॥ अवयरिऊणुवविटुं, जणमणहरिसं पयच्छंतं ।। ५३३ ।। तं पुच्छइ सुयजुयलं, अतुच्छअच्छेरपूरिओ राया ।। कत्थ निवसेह केण व कज्जेण एत्थ पत्ताणि ? ॥ ५३४ ।। कहिउं निवस्स ताणि वि वृत्तं तं निय विवायपज्जंतं ।। पुव्वुत्तजुत्ति-जुत्तं, निय निय पक्खं पसाहिति ॥ ५३५ ॥ मंतिमुहं नरनाहो, पिच्छइ मंती वि भणइ मज्झण्हे ।।
Jain Education International 2010_04
For Private & Personal Use Only
www.jainelibrary.org
