________________
चंद्रलेहाकहा
४२७
निरवज्जजोगजुत्तो, सहलं सामाइयं तस्स ॥ ४९७ ॥ एसा केवलिमेरा एयं तत्तं तिलोयसारमिणं । जइणा वा गिहिणा वा समभावो जमिह कायव्वो ॥ ४९८ ॥ माणसतणुवयणाणं, दुप्पणिहाणं च आयरच्चाओ। सइपब्भंसो य इमो, अइयारे चयसु सामइए ।। ४९९ ।। तित्थयरा चउवीसं, नवहलिणो चक्किणो य दस संखा ।। अन्ने दमदंताई, दिटुंता जइ वि सामइए । ५०० ।। तह वि उवएसविसओ न अत्थि पुणरुत्तय त्ति वरनायं ॥ अवलंबिय साहिस्सं, दिटुंतं चंदलेहाए ।। ५०१ ।। सिरिखंडसंडमंडियसिहरो, सिहरीण सेहरो अस्थि ।। नामेण मलयसेलो, रयणसिला सहसरमंणिज्जो ।। ५०२ ।। निज्झरण-सलिल-धारा-निवाय-सद्देहि वित्थरंतेहिं ।। सेस गिरीणं मज्झे, जयपडहे पायडंतो व्व ।। ५०३ ।। एला-लवंग-कयली-लवली हरएसु खयर-मिहुणेहिं । तित्थंकराण चरियं, अणवरयं गिज्जए जत्थ ।। ५०४ ॥ कुसुमसरो वि अणंगो जस्स य वाएण वाउलो भुवणं ।। लीलाए जिणसयलं, किं भणिमो तस्स मलयस्स? ॥ ५०५ ।। मलयमहागिरिसिहरे, वसइ तहिं कीरमिहुणगं एगं ।।। निब्भरनेहेन बद्धं नव-किसलय-सच्छहच्छायं ।। ५०६ ॥ विज्जाहरेण केण वि कोऊहलतरलिएण तं मिहुणं ।।। तत्थ वसंतं गहियं, पढमे च्चिय बालकालम्मि ॥ ५०७ ।। अइगरुयकोउहल्ला, सिक्खवियं तेण तं कला सयला ॥ छदंसणाण तत्तं, जाणवियं तहय नीसेसं ।। ५०८ ॥ हेममयपंजरगयं, सुयमिहुणं गिण्हिऊण सो खयरो ।। सव्वत्थ भमइ सयलं, तव्विरहे मन्नए सुन्नं ।। ५०९ ।। तस्स खयरस्स जोगा, तं मिहुणं गुणसमुद्दपारीणं ।।
Jain Education International 2010_04
For Private & Personal Use Only
www.jainelibrary.org
