________________
४२६
जस्स समो मणभावो, चयंति सामाइयं तस्स ॥ ४८५ ॥ तिव्वतवं तवमाणो, जं नवि निट्ठवइ जम्मकोडीहिं ॥ तं समभावियचित्तो, खवेइ कम्मं खणद्धेण || ४८६ ।। मरुदेवा - भरहेसर - पमुहा निट्ठविय अट्ठ कम्मंसा || सिद्धंतेसु पसिद्धा, सामाइयमित्तसंसिद्धा || ४८७ ।।
गया मोक्खं जे वि य गच्छंति जे गमिस्संति ॥ ते सव्वे सामाइय-माहप्पेणं मुणेयव्वा ॥ ४८८ ॥ सत्तिंतर बाहिरओ तवो य नाणं च तस्स सकयत्थं ॥ समसत्तुमित्तभावे, निय चित्तं जस्स वीसंतं ॥ ४८९ ।। विज्झइ झाणं दाणं, जागो जोगो तवो वि नवि को वि ॥ एमेव अहो सिद्धी, लब्भइ समभावमित्तेण ॥। ४९० ।। उक्तं च:
हूयते न तप्यते न दीयते वा न किञ्चन ॥
अहो अमूल्य क्रीतेयं साम्यमात्रेण निर्वृतिः ॥ ४९१ ।। जिणभवणबिंबकारणदाणाइसु थेव जीवहिंसा वि ॥ निरवज्जो पुण धम्मो सामाइयकरणसंजणिओ || ४९२ ।। जो पुण कडसामाइओ चित्ते चिंतेइ गेहवावारं ॥ झायइ अट्टं रोद्दं, निरत्थयं तस्स सामइयं ॥ ४९३ ।। भणियं च:
सामाइयं ति काउं, घरचितं जो उचितए सड्डो ॥ अवसट्टोवगओ निरत्थयं तस्स सामाइयं ॥ ४९४ ॥ तह जो कडसामाइओ गिराए भासेइ पेसणाईणं ॥ सावज्जगिरं न चयइ, निरत्थयं तस्स सामइयं ॥ ४९५ ॥ तह जो कडसामइओ देहेणं दुप्पमज्जणाईयं ॥
न य वज्जइ सावज्जं, निरत्थयं तस्स सामइयं ॥ ४९६ ।। जो मण-वय-तणुरोहं, काउं सावज्ज- वज्जणं कुणइ ||
Jain Education International 2010_04
For Private & Personal Use Only
सिरिपउमप्पहसामिचरियं
www.jainelibrary.org
