________________
वाचालकहा
४२३
देव ! न एसो सम्मं मग्गं सग्गस्स जाणए तस्स ।। जत्थ सयं सा देवी, निवसइ तुह नेहबद्धमणा ।। ४४८ ॥ एएण कारेणेणं, सामिय ! इह सा न चेव संपत्ता ।। अन्नह तुह विरहदुहं, सोउं सा नूणमागमिहि ।। ४४९ ।। मग्गेण जेण देवी, पत्ता सग्गम्मि तं वयं मग्गं ।। एयस्स पयासेमो, आगच्छइ जेण सा झत्ति ।। ४५० ॥ राया गहिल्लचित्तो, जंपइ रे दूय ! मंतिसंदिढे ।। वच्चसु मग्गे एयं, गिण्हित्ता मोत्तियाहरणं ।। ४५१ ॥ मंतीहिं नयरबाहिरदेसे, अंगारपूरिया रुंदा ।।। किंकरगणेहि सहसा, कारविया खाइया तत्तो ।। ४५२ ॥ सोक्खासणमारूढो, आहरण करंडमंडिउच्छंगो । धुत्तो बाहिरदेसे, निज्जइ विच्छायमुहकमलो ।। ४५३ ।। राया अणंगसेणो, सामंता मंतिणो य सुद्धंतो ।। वच्चंति तेण सद्धिं, सकोउया बाहिरुद्देसे ।। ४५४ ।। मग्गेण जेण देवी, पत्ता सग्गम्मि तेण मग्गेणं ॥ एसो गमिहि त्ति पुरं, सयलं पि सकोउयं मिलियं ॥ ४५५ ।। एत्थंतरम्मि एगो, तं सोउं सयलमेव वुत्तंतं ।। पत्तो धुत्तसयासे वायालो तरलजीहालो ।। ४५६ ॥ अहिणवपसूयसाहिणिसरिसं जीहं निजंतिउं निययं ॥ असमत्थो सो धुत्तं जंपइ नरनाह-पच्चक्खं ॥ ४५७ ॥ भद्द ! तुमं देवीए, साहिज्जसु तुज्झ विरहसंतत्तो ।। सूसंतसयलगत्तो, राया अइवाहए कालं ॥ ४५८ ॥ तं चिय निच्चं चित्ते, आयारो तुज्झ चित्तफलयम्मि ।। तुज्झ गुणा जीहाए, संपइ पसयच्छी ! नरवइणो ।। ४५९ ॥ कीला-कला-विलासो, सिणाण-तंबोल-नव्वकव्वाणि ।। रसवइरसाहिगमणं, सह तुमए पवसियं रत्रो ।। ४६० ।।
Jain Education International 2010_04
For Private & Personal Use Only
www.jainelibrary.org
