________________
४२२
सिरिपउमप्पहसामिचरियं पडिहारेण निरुद्धो, जंपइ विनवसु नरवरिंदस्स ॥ सग्गाउ अस्थि दूओ देवि सयासाउ संपत्तो ।। ४३५ ॥ तेण वि सविम्हएणं, वित्रत्तो झत्ति हरिसिओ राया ।
आहवइ तमापुच्छइ, संच्छंदं विविहभंगीहिं ।। ४३६ ॥ रे दूय ! कहसु किं मह दइया सग्गम्मि चिट्ठए सुहिया ।। कइया इहागमिस्सइ, किं वत्तं पुच्छए मज्झं? ॥ ४३७ ।। सो आह नाह ! देवी, तुमं पसंसेइ सक्कपच्चक्खं ॥ थोवदिणेहिं सग्गं, निरिक्खउं एत्थ आगमही ।। ४३८ ।। किं पुण विसेसकज्जं, कहियमिणं देव ! तुज्झ देवीए । मग्गिज्जसु आहरणं, कणयमयं रायपासाओ ॥ ४३९ ।। एवं जंपतो वि हु धुत्तो, पडिहार-सचिव-पमुहेहिं ।। न निसिद्धो नरवइणो, विणोयमेयं करेउ त्ति ।। ४४० ।। भंडारियमाहविओ राया वरकणयनिम्मियं रम्मं ।। देवीजोग्गं सहसा, आहरणं अप्पए तस्स ।। ४४१ ॥ पुणरवि धुत्तं पभणइ, साहेज्जसु दूय ! मज्झ देवीए ।। जह तुह नाहो मग्गं, गवेसए विरहसंतत्तो ।। ४४२ ।। . सो उण धुत्तो देसंतरम्मि गंतूण सयलमाभरणं ।। हारइ जूयाराणं, विसेसचवला जओ लच्छी ।। ४४३ ।। पुणरवि रायसयासे, पत्तो विनवइ तुज्झ सा जाया । सामि ! निसामिय सव्वं, तुह कहियं ऊसुया जाया ॥ ४४४ ।। मासम्मि वइकंते, एत्थागमिही न एत्थ संदेहो ।। अच्छरसाहिं किं पुण, संपइ जाओ विसंवाओ ॥ ४४५ ॥ तत्तो नित्तुलमोत्तियहारं, तह रयणनिम्मियाहरणं ।। अप्पेहि जेण देवी, जिणेइ सग्गंगणा नियहं ॥ ४४६ ।। राया हरिसियहियओ, सव्वं अप्पेइ तस्स धुत्तस्स ।। धुत्ताण वि धुत्तेहिं, मंतीहिं पभणियं तत्तो ।। ४४७ ।।
Jain Education International 2010_04
For Private & Personal Use Only
www.jainelibrary.org
