________________
४२४
सिरिपउमप्पहसामिचरियं
विरहेण तुज्झ सुंदरि, सह पत्ता नरवरिंद-पासम्मि । अरुई अरई चिंता, दीणत्तं चित्तसंमोहो ॥ ४६१ ॥ तं नवधवलहरं पि हु सुन्नारनं च मन्नए राया। पीऊसकर-मऊहा, बाणसमूहा अणंगस्स ॥ ४६२ ॥ एगते परिसाए मणम्मि सुमिणम्मि राइणा देवि ।। एगा विविहसरूवा, दीससि बहुरूवविज्ज व्व ॥ ४६३ ।। हरिणच्छि हारिणा वरहारेण इमेण भूसणगणेण ।। जे ऊण अच्छराणं निवहं एज्जासु इह सिग्घं ।। ४६४ ॥ जइ पुण कालविलंब, करेसि करभोरु ! तो धुवं राया। तुह विरहाणल-जालाजलिओ जीविस्सए कह वि ॥ ४६५ ।। अवहारसु तं सम्मं हे दूय ! इमाणि मज्झ भणियाणि ।। एएहि धुवं देवी, इह एही रायपासम्मि ॥ ४६६ ॥ दूओ भणइ नरेसर, इमाण वयणाण धारणं काउं ।। न समत्थो हं तत्तो, एयं चिय तत्थ पेसेसु ।। ४६७ ।। जे जत्थ निउण मइणो, सकज्जसिद्धिं समीहमाणेहिं ।। तत्थ निमुंजेयव्वा, तिच्चिय नूणं छइल्लेहिं ।। ४६८ ।। नरनाहवयणचउरो, नाहं संदेसहारओ सम्म । तेणं चिय पुव्वं पि हु न हि देवी एत्थ संपत्ता ॥ ४६९ ।। अह वायालं राया, पभणइ तं चेव तत्थ वच्चेसु ।। गिण्हिय आभरणगणं, आगच्छइ जेण इह देवी ।। ४७० ।। अह तं चिय निवसचिवा, बला वि ठावंति धुत्तठाणम्मि ॥ गहिलस्स वि नरवईणो, कुणंति आणं धुवं सव्वे ॥ ४७१ ॥ तो निज्जंतो जंपइ, तुंडं रक्खंतु अप्पणो सम्मं ।। तुंडपसाया एसो, वायालो निज्जए सग्गं ॥ ४७२ ॥ सचिवेहिं इमो नेउं, बला वि खित्तो हुयासमज्झम्मि । मा पुण वि को वि धुत्तो, आगच्छउ रायपासम्मि ।। ४७३ ।।
Jain Education International 2010_04
For Private & Personal Use Only
www.jainelibrary.org
