________________
महापउमकुमरकहा
४१३
सरमंडलनिउणेणं, तेण विपंची विपंचिया निउणं ।। तह जह टहरियसवणो, हरिणो लिहिओ व्व सो जाओ॥ ३२० ॥ अह महुरगोरिगीयं गीयं कुमरेण हरिणहरणत्थं ।। सोयारसवणपाली सुहारसा सारपडिबिंबं ।। ३२१ ।। गीएण तेण हरिणं, हरियमिणं निम्मवित्तु तो कुमरो । गिण्हइ करेण अहवा, सुहगिज्झा चेव वसणहया ।। ३२२ ॥ सहयारमंजरीए पत्तो, पासम्मि तयणु सो कुमरो ।। नियहत्थेहिं इमस्स य बंधुरदुव्वंकरे देसु ॥ ३२३ ।। इय जंपिय तं अप्पिय अदूरदेसम्मि चिट्ठए जाव ।। कुमरो ताव कुरंगो, गहिओ तीए मयच्छीए ॥ ३२४ ॥ परिहरियहरिण रूवं, करकलियकरालनिसियकरवालो ।। उच्चत्तविजियतालो, वेयालो झ त्ति सो जाओ ॥ ३२५ ।। हा परिवाह, हा चत्तगाह, पडिवनविहियनिव्वाह ।। कयतरुणिहिययउम्माह, नाह हा ! रक्ख रक्ख त्ति ॥ ३२६ ॥ इच्चाइ विलवमाणिं, विधुं विव विधुंतुदो इमं तरुणि ।। गेण्हइ कज्जलकालो, वेयालो कुमरपच्चक्खं ॥ ३२७ ॥ गहिऊणं तं तरुणिं, धिट्टो रिद्धो व्व झत्ति बलिनिवहं ।। उप्पइओ गयणयलं, कज्जल-कुवलालिकुलनीलं ।। ३२८ ।। मा भीरु भयं चिंतसु, रक्खस्स वि भक्खसो अहं एसो । तुह दुहनिवारणत्थं, हरणमिमस्स संपत्तो ।। ३२९ ।। रे रे च्छलेण पाविट्ठ ! धिट्ठ ! निक्किट्ठ हरिय मह दइयं ॥ वेयालपलायंतो, महासियालो सि निब्भंतं ।। ३३० ।। इय विविहं जंपंतो, कुमरो तस्सेव मग्गमणुलग्गो।। वरखग्गवग्गहत्थो, अविहत्थो वच्चए तुरियं ॥ ३३१ ।। सो रक्खसो वि तरुणि नियंसदेसम्मि तं निवेसित्ता ।। कुमरस्स दिट्ठिमग्गं अ वि मुंचंतो पुरो जाओ ॥ ३३२ ।।
Jain Education International 2010_04
For Private & Personal Use Only
www.jainelibrary.org
