________________
हसपालकहा
इच्चाइविलवमाणो, धीराविओ धीरसारवयणेहिं । मित्तेहिं तओ वच्चइ, निच्चिंतो सिंहलाभिमुहो ॥१७७|| इत्तो य सुहं सुत्ता, तुसार-सिसिरेहिं निययपत्तेहिं । वीइज्जती कयलीतरूहिं रयणिं गमइ एसा ॥१७८॥ कलहंस-कुरर-सारस-रहंग-कोलाहलेहिं बहलेहिं । निदाए समं रयणी, खयं गया तीए मुद्धाए ॥१७९।। उम्मीलीयनयणा सा, न पाणनाहं न यावि परिवार । केवलमप्पाणं चिय, पसयच्छी पेच्छए तइया ॥१८०॥ वज्जनिवायसमाणं, वइयरमेयं वियाणिउं बाला । मुच्छानिमीलियच्छी, अचेयणत्तं पुणो पत्ता ॥१८१ ।।
अइसिसिरमंदमारुयतुसारफरिसेण पत्तचेयण्णा । विलवेइ तारतारं, पिच्छंती तरलतारच्छी ॥१८॥ हा निक्कलंक ! हा रणनिसंक ! सुरसिंधुपुलिणसरिसंक ! हा हा मयंक ! कुलनहससंक ! तं कत्थ दट्ठव्वो ? ॥१८३।। मं मुत्तूणं अणाहं, भत्तं रत्तं सया विणयजुत्तं । काउमरण्णसरनं, कत्थ गओ नाह ! साहेसु ? ॥१८४॥ कुलदेवयाए वणदेवयाए आयासदेवयाए वा । नूणं सोहग्गनिही, मह नाहो संपयं हरिओ ॥१८५॥ सुबारबनिवासे-बंधुवियोगो पियस्स विरहो य । हा विहि ! हयास ! तुमए, समकालं चेव मह दिनो ॥१८६॥ इय तारतारविलवणपडिसद्दसमाउलं दिसाचक्कं । सह तीए रूयंतीए, मिलियं रूयइ व्व सहिविंदं ॥१८७॥ इय विविहं विलवित्ता, पियपयसंचारमग्गसंलग्गा । गंतुं जलनिहितीरे, वहणाणि नियच्छए बाला ॥१८८॥ सा ताणि अपिच्छंती, जंपइ सरिनाह ! कहसु मह नाहं । निल्लज्ज ! किं न याणसि, गज्जतो हरिय मह दइयं ? ॥१८९।।
___Jain Education International 2010_04
For Private & Personal Use Only
www.jainelibrary.org
