________________
१४
सिरिपउमप्पहसामिचरिय
पुनाग-नागवल्ली-लवंग-नारंग-पूग-संजुत्तं । जंबीर-अंब-जंबू-कयंब-निकुरंब-रमणिज्जं ॥१६४|| मिउअनिल-चलिर-तरु-सिर-विगलि-रस-वियास-कुसुम-नियरेहिं । देसंतरियजणाणं, सिग्धं अग्धं व जच्छंतं ॥१६५॥ पिच्छइ रम्मारामं, सह तीए पियाए सो परिसंतो । दुहभरहरम्मि कयलीहरम्मि तत्थेव वीसंतो ॥१६६॥ नियपवहणाउ तत्थ य आणाविय विवहवंजणसणाहं । भुंजइ मणुनमन्नं, परिवारपियाहिं संजुत्तो ॥१६७।। निब्बिंटीकयपंकयमयसयणिज्जं करित्तु रमणिज्जं । सह तीए पिययमाए, तं रयणिं वसइ तत्थेव ॥१६८॥ सो सुमरिय तव्वयणो, पण्णमेगं अंचलम्मि बंधित्ता । निद्दामुद्दियनयणं, तं सामरिसो परिच्चयइ ॥१६९॥ निभिच्चभिच्चवग्गं, अवि दूरासनसुत्तमह एसो । जग्गावइ संभंतो, जंपतो रक्ख रक्ख त्ति ॥१७०॥ रक्खसदीवी एसो, तत्तो मह रक्खसेण पाणपिया । खद्धा ममावि पावो, गिलणमणो हा ! समावडइ ॥१७१॥ परिवारो वि विउद्धो, मुद्धो किं किं ? ति जंपिरो सहसा । तस्सेव मग्गलग्गो, वहणं पइ वच्चए सिग्धं ॥१७२।। गंतूण पवहणजणं, जाणावइ पवहणाणि सव्वाणि । सो पिल्लावइ जइ वा संकियहिययाण कह थिरया ? ॥१७३॥ कयकिच्चं मनंतो दुट्ठप्पा नियमणम्मि नयणेहिं । अविरलगलिरजलेहि, तारसरं पलवए एसो ॥१७४।। हा चंदवयणि ! हा हरणिनयणि ! हा कुंदकलियसमरयणि ! । हा अमियवयणि ! हा रमणिरयणि ! तं कत्थ दिट्ठव्वा ? ||१७५॥
अइ छुहदुक्खंधेणं निसायेरणं न तेण रंभोरू ! । दिट्ठासि विणासिंतो, नबह एयारिसं रूवं ॥१७६॥ ..
Jain Education International 2010_04
For Private & Personal Use Only
www.jainelibrary.org
