________________
महापउमकुमरकहा
४०३
पवहणनिवहसरिच्छा हत्थं तारंति तह अन्नं ।। १९३ ।। भुवणावयंसनयरे विमाणजाणेण पुप्फचूलो वि ॥ मोत्तूण ताण तिन्नि वि सयं नियं ठाणमणुपत्तो ।। १९४ ।। एसो उण निउणमई, कुमारपडिबंधबद्धमणवित्ती ।। गिहिधम्म कुव्वंतो, निवसइ तत्थेव नयरम्मि ।। १९५ ।। परिवालिय गिहिधम्म, दाणं दाऊण समणसंघस्स ॥ सिद्धतं लेहाविय, निम्माविय-बिंब-निउरुंबं । १९६ ।। उत्तंगसिहररेहिरमइरम्मं निम्मवित्त जिणभवणं ॥ समए विहिणा तिन्नि वि चयंति ते जज्जरं देहं ।। १९७ ॥ संखो रयणवई वि हु अच्चुयकप्पम्मि निउणबुद्धी वि ।। बावीससागराऊ, तिन्नि वि तियसा समुप्पना ॥ १९८ ॥ चविया जंबुद्दीवे, एखए पवरगोत्तजाईसु॥ उववन्ना कयपुन्ना, सासय-सोक्खं लहिस्संति ॥ १९९ ॥ जह संखकुमारेणं, दिसिपरिमाणं न खंडियं कह वि ।। तह न हि खंडेयव्वं अन्नेहि वि मोक्खकंखीहिं ।। २०० ।।
॥ इति दिग्व्रते शंखकुमारकथा समाप्ता ॥ गाथा ५२२८ ।। भोगोपभोगपरिमाणवए महापउमकुमार कहा : दिसिपरिमाणं भणियं, इन्हि भोंगोवभोगपरिमाणं ।। पयडे संखेवेणं, दिटुंतजुयं परूवेम्मि ॥ २०१॥ भुजंतमपुणरुत्तं, भोगं जाणिज्ज अन्नकुसुमाई ।। पुणरुत्तं भुज्जं भज्जा-सिज्जाइउवभोगं ॥ २०२ ।। भोयण-कम्म विभेया, दुविहं भोगोवभोगपरिमाणं ।। महु-मक्खणाइ-मज्जं, मंसं वज्जिज्ज पढमम्मि ।। २०३ ।। पंचुंबरि-अन्नायं, फलं च विदलं च गोरसुम्मीसं ।। वइंगणमणंतकायं, रयणीभत्तं च वज्जिज्जा ।। २०४ ।। पाणिगणघायजायं बीभच्छं मच्छियाण निच्छुढं ।।
Jain Education International 2010_04
For Private & Personal Use Only
www.jainelibrary.org
