________________
४०२
सिरिपउमप्पहसामिचरियं सो चिर पालिय नियमो नियमा खंडिज्जए मज्झ ॥ १८० ॥ अह तस्स असमसाहसरंजियचित्तेण पुप्फचूलेण ।।। वंतरसुरेण तग्गिरिनिवासिणा सो इमं भणिओ ।। १८१ ।। हे संख कुमर ! ससहर-संखच्छवि सच्छहा गुणा तुज्झ ।। नियमंतु जणमणाई, जं परिरंजंति तं चित्तं ।। १८२ ।। नमिमो नमिमो नमिमो, तुह पयजुयलं सयावि पुण नमिमो । विसमवसणे वि एरिस नियवयनिव्वाहणं जस्स ॥ १८३ ।। वीरजणणी सुजणणी रेहं तुह चेव लहइ जा उयरे । धारियपुव्वा तुमयं, अउव्व निय चरियभरियजयं ॥ १८४ ॥ वीरेसु जयपडाया, गहिया गोत्तं पवित्तियं जं मो।। विहिओ सहलो तुमए भवजलही पाविओ पारं ॥ १८५ ॥ एत्थंतरम्मि नियरयजियमणवेगं फुरंतकरमेगं ।। पत्तं महप्पमाणं मणहरणं मणिमय-विमाणं ॥ १८६ ॥ तम्मज्झाओ सरजलमज्झाओ कमलिणि व्व रयणवई॥ नीहरियहसियनवमुहकमला रविमिव नियइ कुमरं ।। १८७ ॥ उल्लवइ पुप्फचूलो निम्मलसीला कुमार ! तुह दइया ।। एसा मए स किंकरसुरेणमाणाविया एत्थ ॥ १८८ ।।। सुंदरतिलयस्स मुहे, मसिकुच्चो हवउ हवउ मह सहलो ॥ परिसमलवो वि गिण्हउ कुमरो नियपिययमं एयं ।। १८९ ॥ पडिबंध-बंधुराणं, निम्मलसीलाण सरिसचित्ताणं ॥ मिलियाण ताण दोण्ह,वि अउव्व सोहा परिप्फुरइ ।। १९० ॥ अह आह निउणबुद्धी कुमार ! मित्तो गुरू य मह तं सि ॥ तत्तो गिहत्थधम्मं, साहसु आमूल-पज्जंतं ।। १९१ ।। तत्तो वित्थरपुव्वं, गिहत्थधम्म परूवए कुमरो ।। तिसिउ व्व अमयपाणं, एसो पडिवज्जए तं पि ॥ १९२ ॥ कट्ठगया वि हु गरुया तरंति लीलाए वसणजलरासिं ।।
Jain Education International 2010_04
For Private & Personal Use Only
www.jainelibrary.org
