________________
४०४
सिरिपउमप्पहसामिचरियं मूढा महुं पि महुरं, मन्नंता अहह भुंजंति ॥ २०५ ।। अंतमुहुत्ताउ परं, सुहुमा जायंति जंतुणो जत्थ ।। तव्वण्णा तग्गंधा, तं नवणीयं विवज्जेह ॥ २०६ ॥ सज्जोसं सज्जंते, असंखजीवाण जत्थ संताणा ।। तव्वन्ना तग्गंधा कवलं ति न तं वुहा पललं ॥ २०७॥ दुग्गम्मि य दूरम्मि य दुग्गइमग्गम्मि संबलं विउलं॥ सुगइपहपट्ठियाणं अमंगलं जंगलं चयसु ॥ २०८ ।। निरयगइगमणकारणमसेसगुणनिवहवारणं घोरं ।। परिहरसु वारुणि, जइ महेसि माहप्पमप्पस्स ।। २०९ ॥ पिप्पल-पिलस्स-उंबर-काउंबर-वड-तरूण-पंचण्हं ।। किमिजाल-संकुलाइं, फलाइं वज्जिज्ज जत्तेण ॥ २१० ॥ अनेण अप्पणा वा फलं वियाणित्तु भुंजिउयं जुत्तं ।। मा होउ विसफले वा, पडिसिद्धे वावि पडिवत्ती ।। २११ ॥ पल्लंकसट्ठसागा मुग्गगयं आमगोरसुम्मीसं ॥ केवलिपच्चक्खेहिं, जीवेहिं जुयं विवज्जिज्जा ॥ २१२ ॥ एक्कम्मि चेव कंदे होंति असंखाणि जीवदेहाणि ।। एक्केक्कम्मिय देहे अणंतजीवा मुणेयव्वा ॥ २१३ ॥ तो णंतजीवमइयं, कंदं पढमुग्गमंतकिसलं च ॥ गिरिकनियाइ सव्वं, समयाभिहियं विवज्जेज्जा ।। २१४ ।। लोइय लोउत्तरिए, सिद्धते सव्वहा वि पडिसिद्धं ॥ संपाइमसंसज्जिमजीवजुयं चयसु निसिभत्तं ॥ २१५ ॥ दिवसस्स अंतिमाओ पढमाओ दोन्नि दोनि घडियाओ। चयउ निसिभत्त-विरमण विसुद्धनियमं समीहंतो ।। २१६ ॥ भज्जाणं परिमाणं, माणं सिज्जाण वत्थपरिमाणं ।। आसणमाणं च तहा, विरत्तचित्ते करिज्जासु ॥ २१७ ॥ दुइयम्मि पुणो भेए, बहुजीवखयंकराणि वज्जिज्जा ।।
Jain Education International 2010_04
For Private & Personal Use Only
www.jainelibrary.org
