________________
३९९
संखकुमारकहा
रन्नो भवणं विहियं जह भणियं सेसदारुहिं ।। १४१ ।। रायप्पसाय-पावियमहंतविहओ वि कोउहल्लेण ।।। तक्खा सक्खा भुवणस्स हिंडए हंसमारूढो ।। १४२ ।। सो हं हंसारूढो, इह पत्तो परिस-विसर-सिरवयणं ।। दट्टण तुमं कीलाचारेणं एत्थ अवइन्नो ।। १४३ ॥ सुपुरिस ! नियवुत्तंतो, तुज्झ मए साहिओ इमो सव्वो ।। संपइ नियवुत्तंतं. तुमं पि साहेसु सव्वं पि ॥ १४४ ।। कुमरो जंपइ भुवणावयंसनयरम्मि संखकुमरोहं ।। धणदत्तइब्भपुत्तो, रयणवई नाम मह भज्जा ।। १४५ ।। सह तीए वासभवणे, सुहं पसुत्तस्स कमलदलनयणा ॥ हरिया केण वि एसा, निद्दा गहिओ अहं छलिओ ॥ १४६ ।। तं चिय गवेसयंतो, इह पत्तो नहयलम्मि तुमए वि ।। परिभमिरेणं दिट्टा, का वि हु तरुणी विरहगहिया ॥ १४७ ।। अह आह सो वि तरका कुमार ! निसुणेसु हविय उवउत्तो ॥ सुंदरपुरे पुरे सो सुंदरतिलओ महीनाहो ॥ १४८ ।। अहिणव वसंतसमए, लसंतनवकुसुमसालमभिरामं ।। मत्तमऊरारामं पत्तो नरविसरपरियरिओ ॥ १४९ ।। तरुणतरुमंजरिवियसियकुसुमावचायजलकेलिं ।। काऊण निसारंभे, पविसइ कयलीहरस्संतो ॥ १५० ।। एत्थंतरम्मि राया, कंचणमयदंडमंडियकरेणं ।। दंडप्पमाणपुव्वं, पडिहारवरेण विन्नत्ता ।। १५१ ।। आरामदारदेसे, चिट्ठइ देसंतराउ संपत्तो ।। कोलायारपरायण पढमो सिरि विक्कमाणंदो ।। १५२ ।। अवणीसरो पयंपइ, सिग्घं पविसेसु तयणु पडिहारो ।। जोईसरेण सहसा, सह पत्तो रायपासम्मि ॥ १५३ ॥ रनापणामपुव्वं, कंचणसीहासणम्मि उवविठ्ठो ।
Jain Education International 2010_04
For Private & Personal Use Only
www.jainelibrary.org
