________________
३९८
सिरिपउमप्पहसामिचरियं
समयंतरम्मि पत्तो, तुंगगिरिसिंगमइरम्मं ।। १२८ ।। खरकरकिरणकरंबियगणणंगणमेस पिच्छिरो कुमरो ।। हंसाधिरूढमेगं नियइ नरं नहयले जंतं ॥ १२९ ।। अच्छरिय भरिय हिययस्स, तस्स पासम्मि सो वि पुरिसो वि॥ अवयरिओ सव्वं पि हु नियठाणं कामचारीणं ।। १३० ।। तं सरण-निद्ध-लोयण-पलोयमाणं निरिक्खिउं पुरिसं ॥ सो आह संखकुमरो, पणयपगब्भाए वाणीए ।। १३१ ॥ पिच्छित्तु तुज्झ नहगमसत्तिं मह झत्ति विम्हओ जाओ ।। तुह अवयरणं पुलइय उत्तरिओ दुक्खपन्भारो ।। १३२ ॥ ता काऊण पसायं, साहसु निय नाम नयरगोत्ताणि ।। तह कहसु एस हंसो, कट्ठमओ कह नहे जाओ ।। १३३ ॥ सो पुरिसो वि पयंपइ, सुंदर ! सुंदरपुरं ति अइरम्मं ॥ पुरमत्थि अत्थि चत्तं, पुरेसु पत्तं परं कित्तिं ॥ १३४ ।। चउरंग-चमू-साहिय-महिवलओ तत्थ अस्थि महिनाहो । चउभेयनायजुत्तो सुंदरतिलउ त्ति नामेण ।। १३५ ।। तेणमवीसरेणं, आइट्ठो सुत्तहार-सिरिसिहरो ।। मइविजियविस्सकम्मो, नामेणं निउणबुद्धि त्ति ॥ १३६ ।। हं हो करेसु सहसा, वरभवणं चारुदारुनिफ्फन्नं ।। एगत्थंभविराइयमिह सरसलिलस्स मज्झम्मि ।। १३७ ॥ आएसो त्ति भणित्ता, गंतुं वणसंड-मज्झयारम्मि ।। लक्खणलक्खियमेसो, निरिक्खए दारुसंभारं ।। १३८ ।। पुन्नाग-नाग-सागाइ-विविहसालाण संगहंतेण ।। कुव्वंतेण दिटुं, कटुं एगं महालटुं ॥ १३९ ।। कटेण तेण विहिओ कीलासंचारविहियनहगमणो ।। एसो हंसो नियगइजियहंसो पुण विजियहंसो ।। १४० ॥ सर-सलिल-मज्झ-देसे, नहयल-विलसिर-पडाइयालडहं ।।
Jain Education International 2010_04
For Private & Personal Use Only
www.jainelibrary.org
