________________
संखकुमारकहा
३९५
एत्थ य गयहयसाला, इत्थ य राया अहं जुत्तो ।। ९० ।। सोउं असोयणिज्जं, असंभविज्जं च तस्स तं वयणं । जंपइ वंतरदेवी, वरतरुणो सामिणी तस्स ।। ९१ ॥ रे मूढ ! तं न याणसि, अप्पाणं देसभमणदुल्ललिय ।। पेच्छामि तं न तणुमवि तणुम्मि तुह लक्खणं कमवि ।। ९२ ।। जेण तुह वंछियत्थो, एसो संपज्जए असेसो वि ।। देवि जंपइ धुत्तो, सुमरसु एयं नियं भणियं ॥ ९३ ।। जइ सयदिणाण मज्झे नाहं साहेमि भासियं निययं ॥ ता तुह पच्चक्खं चिय, चियाए पविसेमि किं बहुणा? ।। ९४ ।। अह नयरम्मि विसंतो, पुरदारे नियइ दारवासिणी भवणं ।। चिंतित्तु किमवि चित्ते, पविसइ तत्थेव भवणम्मि ।। ९५ ।। काऊण करे खडियं, कडित्त कत्तालयाइमेलित्ता ॥ जेवालकितवपमुहं कप्पिय सो खिल्लए जूयं ।। ९६ ।। लंबोदरखित्ताहिव-जक्खाहिव-दारवासिणी-पमुहे ॥ छाहं चडावयंतो, जिणइ इमो टंकलक्खाणि ।। ९७ ।। संहरिय अंकनियरं, महंतपाहाणखंडकलियकरो ।। लंबोदरं पयंपइ, इण्हं मह देसु लहणिज्जं ।। ९८ ।। अन्नह तिकोणपाहणकोणग्घाएण लंबमुदरं ते ।। दारेमि अहं एसो, मा भणिहिसि जं न कहियंति ।। ९९ ।। इय जंपिय उप्पाडइ, तं उवलं जाव ताव भीएण ।। लंबोदरेण दिन्ना, दो लक्खा तस्स टंकाणं ।। १०० ।। एवमवरे वि तियसा गहिया धुत्तेण निय नियं लब्भं ।। जयइ धुत्तत्तसाहसमहिमा, भुवणम्मि अक्खलिओ ।। १०१ ॥ गंतुं चंपयमूले, झत्ति इमो मुत्तहारनिवहेहिं ।। सव्वं पि पुव्वभणियं, रम्मं निम्मावए धुत्तो ।। १०२ ॥ तत्तो सहस्स-टंकय-सुलभभोगाए चंगअंगाए ।।
Jain Education International 2010_04
For Private & Personal Use Only
www.jainelibrary.org
