________________
३९४
सिरिपउमप्पहसामिचरियं महिमिलियमउलिकमलो पणमइ धुत्तो महीनाहं ॥ ७७ ॥ रन्ना पसायपुव्वं, दिनो पुट्ठो तस्स निय हत्थो ।। दिट्ठो य सबहुमाणं, अच्छिरयमयाए दिट्ठीए ।। ७८ ।। धुत्तो निवप्पसाया, सेच्छाए पुरम्मि भमइ विलसेइ ।। निययं कलाकलावं, पयडइ अच्छरिय संजणयं ।। ७९ ।। समयंतरम्मि चिंतइ, किमहं चिट्ठामि इत्थ संजमिओ ।। पिच्छामि किं न सयलं, महिवलयं चित्तसंजणयं ।। ८० ॥ सो किं भन्नइ पुरिसो, उंबर-पसउ व्व जो तहिं चेव ।। उप्पन्नो य विलीणो, अदिट्ठमहिवलयवित्थारो ।। ८१ ।। ता किं इमिणा बहु चिंतिएण गच्छामि दूर देसम्मि ।। इय चितिय नरवइणा, अकहियवत्तं गओ धुत्तो ॥ ८२ ।। गामागरपुरपट्टण,सहस्समेसो कमेण धुत्तंतो ।। भुवणावयंसनयरे, पत्तो वीसमइ तरुमूले ।। ८३ ।। नव फुल्लगंध-लालस-फुल्लं धुयरोलमुहलसाहालं ।। साहालंबभुयाहिं परिरंभियसयलदिसिचक्कं ।। ८४ ।। चक्कंक-चंचु-पिंजर-पराय-पिंजरिय-गयण-वित्थारं ।। वित्थार-विजिय-नंदण-काणण-वर-साहिपब्भारं ।। ८५ ।। पिच्छित्तु चंपयतलं, अणेयसंकप्प-कप्पिय-पमोओ। कयचित्तचमक्कारं, सयमेव पयंपए धुत्तो ।। ८६ ।। हारि-नियवन-निज्जियजच्च-सुवनस्स अहह एयस्स ।। विलसिरच्छप्पय-चंपय-तरुस्स सोहा नवा का वि ।। ८७ ।। एयस्स तले तरुणो तत्तो जुत्तं विसाल-धवलहरं ।। वरसाल-भंजियालं, सत्तममणि-विहियसत्ततलं ।। ८८ ।। पासो वासे एयस्स, असममणिरयणनिवहविहियाणि ।। जुत्ताणि मंदिराई, अंतेउरियाण सव्वाण ।। ८९ ।। एत्थ य कीलावावी जुत्ता जुत्तं च इत्थ पमयवणं ।।
Jain Education International 2010_04
For Private & Personal Use Only
www.jainelibrary.org
