________________
३९०
सिरिपउमप्पहसामिचरियं लहसु तुमं सो जंपइ, आणेमि इमं न संदेहो ।। २५ ।। जइ सत्तमम्मि दिवसे, धुत्तं नाणेमि सामि, तो मज्झ ।। निय सेच्छाए नरवर ! पयंडदंडं करिज्जासु ॥ २६ ॥ थेरिए तस्स कहिए, धुत्तो सत्तम-दिणम्मि गंतूण ।। आरक्खियस्स गेहे, जंपइ तब्भारियाभिमुहं ।। २७ ॥ धुत्तो न चेव पत्तो, रन्ना कुविएण तुज्झ से सामी ! ।। संजमिओ निव-पुरिसा, इह एति तुमं पलाएसु ॥ २८ ॥ भमुयासन्नाए अहं पट्टविओ तेण तुज्झ दइएण ॥ सा वि वराई भीया नासइ मोत्तुं गिहं सुनं ।। २९ ।। सो सव्वं मुसिऊणं, पत्तो थेराए चेव गेहम्मि ।। आरक्खिओ य पच्छा, पत्तो पभणइ कहं भज्जा ॥ ३० ॥ नयरम्मि तस्स हासो, संजाओ तह निवस्स परिसाए ।। कामपडाया वेसा, कुणइ पयन्नं महा धुत्ती ।। ३१ ।। धुत्तो वि तीए गेहे, देसंतर-वाणियस्स वेसेण ।। गच्छइ जंपइ अज्जं, सत्थाहो इह पुरे पत्तो ॥ ३२ ।। तुज्झ पसिद्धि सोउं, सोलस सहिया इमेण पंचसया ।। टंकाण दाविया तो तरंगतरलच्छि ! गिण्हेसु ॥ ३३ ।। सा दट्ठणं दव्वं, मुद्धा लुद्धा इमस्स संलावं ॥ . सोऊण तयं दव्वं, गिण्हइ धुत्तेण वेलविया ।। ३४ ।। तत्तो धुत्तो जंपइ, आगच्छसु मज्झ सामि पासम्मि ॥ चलिया य इमा लुद्धा, वेलविओ को न लोहेण ? ॥ ३५ ।। पुरिबाहिरप्पएसे, गंतुं धुत्तो वि आह सत्थाहो । जा एइ ताव इहयं, पाणीयसालाए वीसमेसु ॥ ३६ ।। जाए निसीहसमए, वसिया तह तेण सा वि धुत्तेण ।। निद्दामुद्दियनयणं, काऊण इमं महाधुत्तो ॥ ३७ ॥ आहरणचीरनिवहं, गिण्हियं थेराइ चेव गेहम्मि ।।
Jain Education International 2010_04
For Private & Personal Use Only
www.jainelibrary.org
