________________
रयणसारकहा
३८७
अचयंतो विव ठाउं सोहम्मे झ त्ति सो पत्तो ॥ २११९ ॥ कुमरो वि तिलयमंजरि असोयमंजरिवहूहिं परियरिओ॥ आपुच्छिय नरनाहं, संचलिओ नियपुराभिमुहं ।। २१२० ।। अक्खंड-पयाणेहिं, असंख-सामंत-मंतिसंजुत्तो ।। रयणविसालं नयरिं, पत्तो थेवेहि दिवसेहिं ।। २१२१ ।। अह समरसीहरना, वसुसार-पमुक्खसेट्ठि-सहिएण ।। महया विच्छड्डेणं पवेसिओ नयरमज्झम्मि ।। २१२२ ।। विहिए उचिए कज्जे, सव्वेसिं राय-पमुह-लोयाण ।। कुमराइट्ठो कीरो, वुत्तंतं साहए सव्वं ॥ २१२३ ॥ सोऊण कुमरचरियं, चित्तचमक्कार-पूरिया सव्वे ॥ सम्म जिणिंद-धम्मं, सुणंति जाणंति कुव्वंति ।। २१२४ ।। सो रयणसारकुमरो, जम्मंतर-विहिय-सुकय-संभारो ।। सह ताहि कनयाहिं, अणुत्तरे भुंजए भोए ॥ २१२५ ।। विविहा रहजत्ताओ बिंबपइट्ठाओ लक्खसंखाओ। संघस्स वि पूयाओ पुणरुत्तं कारए कुमरो ।। २१२६ ।। सम्म जिणिंदधम्मं, काऊण समाहिपत्त-मरणेण ।। सह ताहि कनयाहिं, सो पत्तो अच्चुए कप्पो ।। २१२७ ।। चविउं महाविदेहे पुणरवि धम्म जिणिंद-पन्नत्तं ।। परिवालिय पाविस्सइ, सासय-सोक्खं लहुं मोक्खं ॥ २१२८ ।। परिहरिय महालोहं, विहियं कुमरेण रयणसारेण ॥ जहा इच्छापरिमाणं, तहेव कुव्वंतु अन्ने वि ।। २१२९ ।। इति पंचमाणुव्रते रत्नसारकथानकं समाप्तमिति भद्रम् । जालिहरगच्छनहयलमयंकसिरिदेवसूरिरइयम्मि ।। सिरि पउमप्पहचरिए सम्मत्तो तइय पत्थावो ॥ २१३० ॥ तृतीय प्रस्तावे गाथा संख्या २१२७ सर्वाङ्क ५०२९ ॥
Jain Education International 2010_04
For Private & Personal Use Only
www.jainelibrary.org
