________________
३८६
सिरिपउमप्पहसामिचरियं जे पुण वट्टविमाणा मज्झिल्ला दाहिणिल्लाणं ।। २१०६ ।। पुव्वेण पच्छिमेण य जे वट्टा ते वि दाहिणिल्लाणं ।। तंसं चउरंसगा पुण, सामन्ना हुति दुण्हं पि ।। २१०७ ।। एत्थावसरे पुट्ठो हरिणगमेसी ससंकसिहरेण ।। तियसेण धुवं भुवणे, सो नत्थि जो महालुद्धो ।। २१०८ ।। अणिमाइ सिद्धिजुत्ता, दंभोलिकरा वि निज्जिया जेण ॥ तिहुयणभडेसु रेहा दिज्जउ तस्सेव लोहस्स ।। २१०९ ।। जइ मणवंछियपूरियकामो जुझंति अस्थि लोहेण ॥ इंदा वि तो न कज्जं, वत्तामित्तं पि अन्नस्स ।। २११०॥ अह आह हरिणगमेसी, सच्चं चिय भणसि जं तुम इण्हि ॥ मोत्तूण रयणसारं, किं पुण वसुसारअंगरुहं ।। २१११ ।। विहियपरिग्गहमाणं, नियनियमाओ सइंददेवा वि ॥ तं रयणसारकुमरं, नूणं चालेउमसमत्था ।। २११२ ।। तव्वयणमसहमाणो, ससंकसिहरो इहेव संपत्तो ॥ विहिया तुज्झ परिक्खा, कीरं हरिऊण तेण इमा ।। २११३ ।। हरिओ कीरो विहिया य सारिया मणहरं पुरं विहियं ॥ तुह चित्तं परिक्खत्तं, रक्खसरूवं तहा विहियं ।। २११४ ।। तेणं चिय तियसेणं, अवारपारे अदिट्रपारम्मि ।। मुक्कोसि तुमं एसो, सो हं ससिसेहरो तियसो ।। २११५ ।। ता सव्वं पि खमिज्जसु, आइससु मए वि जं इह कज्ज । तियसाण कुमर ! दंसणमसोहमिह वत्रियं जेण ॥ २११६।। कुमरो जंपइ सुरवर! नंदिसर-पमुह-तीत्थ जत्ताओ ।। तं कुणसु तियस!कामिणि-सुहलोयं चयसु निच्चं पि ।। २११७ ॥ आमं ति पयंपित्ता, कुमरं उप्पाडिऊण सहस त्ति ॥ सह कीरपंजरेणं, कणयपुरीए सुरो मुयइ ।। २११८ ।। आपुच्छिय तं कुमरं कुमारगुण-निवह-भरियभुवणम्मि ।
Jain Education International 2010_04
For Private & Personal Use Only
www.jainelibrary.org
