________________
रयणसारकहा
३८५
जस्स सुरालयचूलासरिसं चित्तं सया नियमे ॥ २०९४ ।। सोहम्मकप्पवासी हरिणगमेसी सुरिंदबलनाहो ॥ तुह चित्तनिच्चलत्तं पसंसए कुमर ! सुरसक्खं ॥ २०९५ ॥ किं भणसि कत्थ विहिया पत्थावे तेण मज्झ वि पसंसा ।। तं पि हु निसुणसु इण्हि, संखेवेणं कहिज्जंतं ॥ २०९६ ।। सोहम्मीसाण-सुरेसराण जाओ विमाणलुद्धाण ।। गरुयवीवाओ सुरगणमाणसउत्तासणो इण्हि ।। २०९७ ॥ बत्तीस अट्ठवीसा विमाणलक्खा कमेण जइ दुण्हं ॥ . सोहम्मीसाण पहू तह वि हु जुझंति लोहंधा ।। २०९८ ॥ माणवग-थंभ-संठिय-जिणदाढा संति सलिल-माहप्पा ।। कित्तियमित्ते काले, गलिए ते दो वि उवसंता ॥ २०९९ ।। अह ताण सुरिंदाणं, पसंतचित्ताण विरयजुज्झाणं ॥ समवाएणं कहिया सचिवेहिं पुव्वछेवाडी ॥ २१०० ॥ सा य इमादक्खिणदिसा विमाणा सव्वे वि हु आभवंति सक्कस्स ।। उत्तरदिसा विमाणा, ईसाणपहुस्स सव्वे वि ॥ २१०१ ।। पच्छिम-पुव्वदिसासुं, वट्टविमाणा य इंदगा तहया । तेरस संखा एए, सव्वे सक्कस्स आभव्वा ।। २१०२ ।। पच्छिम-पुव्व-दिसासुं, तंसा चउरंसगा विमाणा जे ।। सक्कस्स तेसि अद्धा, अद्धा ईसाण नाहस्स ।। २१०३ ।। एसेव कमो नेओ सणंकुमारे तहेव माहिंदे ॥ उभयत्थं इंदगा पुण वट्टागारा मुणेयव्वा ॥ २१०४ ।। भणियं चःजे दिक्खिणेण इंदा, दाहिणओ आवली भवे तेसि ।। जे पुण उत्तर इंदा, उत्तरओ आवली तेसिं ॥ २१०५ ।। पुव्वेण पच्छिमेण य सामन्ना हुंति आवली मुणेयव्वा ।
Jain Education International 2010_04
For Private & Personal Use Only
www.jainelibrary.org
