________________
३८४
सिरिपउमप्पहसामिचरियं
विसमा वि मए कज्जा न जत्थ नियमस्स पब्भंसो ॥ २०८१ ।। पुव्वं गुरूवएसा नियमो रज्जस्स गहिय पुव्वो मे ।। तो कह तुज्झ गिराए, सुपुरिस ! भंजेमि निय नियमं । २०८२ ।। रुट्ठो रक्खसनाहो जंपइ सिच्छाए वससि मह भवणे ।। मह पत्थणाए भंगं करेसि रे पाव ! निल्लज्ज ! ।। २०८३ ।। किं न हि निसुयं तुमए, सव्वं भव्वं कुणंति संतुट्ठा ।। रुट्टा तियसा सहसा, पुरिसं निहणंति निब्भंतं ।। २०८४ ।। ता कुणसु मज्झ भणियं, विलससु सिच्छाए एत्थ नयरम्मि ॥ अनह खिवामि तुमयं, अदिट्ठपारे नई-नाहे ।। २०८५ ।। कुमरो जंपइ रक्खस ! न हि नियनियमं जुगंतकाले वि ॥ भंजेमि तुमं जं पुण, जाणसि तं कुणसु किं बहुणा ? ॥ २०८६ ।। अह सो निसियरनाहो, मुहनिग्गच्छंतजलणविकरालो॥ उप्पाडिऊण कुमरं, उप्पइओ नहयलुच्छंगे ॥ २०८७ ।। गंतुं दूरं गयणे पक्खिवइ अगाहसिंधुनाहम्मि । भवजलहि-पडण-निच्चल-सच्चंकारं व तं कुमरं ।। २०८८ ।। सलिलाओ समुच्छलिउं, गहियं करसंपुडेण तं वयइ ॥ कि मरसि मोरउल्ला, कुमार ! अवियार रे मूढा ! ।। २०८९ ।। जइ न कुणसि मह भणियं, ताहं कक्कससिलाए चीरं व ॥ अप्फालिऊण तुमयं, एसो पेसेमि जमभवणं ।। २०९० ।। कुमरो जंपइ रक्खस ! अवियप्पं कुणसु निययसंकप्पं ।। को नाम तुमं वारइ मुहा विलंबं कुणसि इण्हि ।। २०९१ ।। सो तस्स असम-साहस-दसण-संजाय-पुलयपब्भारो ।। संहरिय घोररूवो, विमाणवासी सुरो जाओ ।। २०९२ ।। जंपइ य तुज्झ रेहा कुमारभुवणम्मि धीरवीरेसु ।। तुमए च्चिय वीरेणं वीरवई भयवई पुहवी ।। २०९३ ।। तह चेव य गरुवयणं. सकयत्थं विक्कमो य जम्मो य ॥
Jain Education International 2010_04
For Private & Personal Use Only
www.jainelibrary.org