________________
रयणसारकहा
३८३
सुरतरुणिपालिचालिय-बंधुरचामर-समीर-लहरीहिं ।। तुह जस-पंकय-काणण-परिमल-निवहो भमउ भवणे ॥ २०६९ ।। उप्पलमुणालकोमल-कराहि तह कुमर ! तियसतरुणीहिं॥ उच्छंगीकयचरणो, सभाए सीहासणे विससु ।। २०७० ।। पायालकन्नया-मुह-गिज्जंत-ससंकसरिसकित्तीहिं॥ भुवणजणसवणकाणणमुल्लाससु सासयं कालं ॥ २०७१ ।। तह सुरसहायसाहिय-महंतदुदंत-वेरि-महिवालो ।। एगच्छत्तं सयले, महिवलए कुणसु वररज्जं ।। २०७२ ।। इय समलंकिय रज्जं, तुममेव सयंवराउ सुरविलया ॥ सरियाउ व सरिनाहं, परिरंभिस्संति सारंभं ।। २०७३ ।। एयं नयरं रम्म, इमाणि भवणाणि सपरिवारो || तह अहयं सयमेव य साहिणो तुज्झ किं बहुणा? ॥ २०७४ ।। चिंतइ चित्ते कुमरो भवसयकयसुकयनिवहतोरविओ॥ धुवमेस सुरो रज्जं, निरवज्जं जच्छए मज्झ ।। २०७५ ।। पडिवनं तह पव्वं मए वि जं भणसि तं करिस्सामि ।। लवमित्तं पि न तत्तो, एत्थत्थे किमवि वयणिज्जं ।। २०७६ ।। किंतु परिग्गहमाणं विणयंधर-सूरि-पाय-मूलम्मि ।। गहियं पुरा मए जं तत्थ निसिद्धं धुवं रज्जं ।। २०७७ ।। एगत्थ नियमभंगो, अन्नत्थ इमस्स पत्थणा भंगो ।। हा रयणसारकुमरो, करेउ किं संकडावडिओ ॥ २०७८ ।। अहवा तं चिय कज्जं जं होइ देह-पमुहेहिं ।। अब्भत्थिएणं वि न तं कायव्वं जत्थ वयभंगो ।। २०७९ ।। भणियं च तो पढियं तो गुणियं तो मुणियं तो य चेइओ अप्पा ।। आवडिय पिल्लियामंतिओ वि जइ न कुणइ अकजं ।। २०८० ॥ इय चिंतिय वज्जरियं कुमरेणं तुज्झ पत्थणा सव्वा ।।
Jain Education International 2010_04
For Private & Personal Use Only
www.jainelibrary.org
