________________
रयणसारकहा
३७५
सो आह तिलयमंजरि, वरतणु नणु पारितोसियं दाणं ॥ जामि समागमसमए, अम्हेहि तुमाहि लहणिज्जं ॥ १९६५ ।। ता कहसु किं पयच्छसि जं च जच्छेसि देसु तं इण्हि ।। को वा कालविलंबो, सरहसदाणे पहारे य ॥ १९६६ ।। सा वि पयंपइ देयं सव्वस्सं चेव तुज्झ जेण इमा ।।। नियजीवियनिरविक्वं, खयराउ रक्खिया रमणी ॥ १९६७ ।। तह वि हु सच्चंकारो एसो सव्वस्स दाणकरणम्मि ।। इय भणिय कुमरकंठे, मुक्को मुत्तामओ हारो ॥ १९६८ ।। रोमंचपंकलज्जा लीला विच्छित्ति निब्भमविलासा ।। चित्ते विचित्तभावा, तिस्सा तइया तओ जाया ।। १९६९ ।। सो वि कुमरो वि तइया तिस्सा हिययं च बाहुलइयं वा ॥ जीविय सव्वस्सं वा मनइ तं बधुरं हारं ।। १९७० ।। अह आह चंदचूडो विग्घसमूहेण सेय कज्जाणि ।। हंहो असोयमंजरि, हवंति गसियाणि निब्भंतं ।। १९७१ ॥ तो कुमरेण तुब्भं सिणेह तरुतरुणमंजरिसरिसो ।।। अमिरामे आरामे इह इहि हवउ वीवाहो ।। १९७२ ।। इय जंपिय उठ्ठित्ता तस्स कुमारस्स तिलयकुंजम्मि । कन्नाजुयलेण समं, निम्मविओ, पाणिसंबंधो ।। १९७३ ।। रूवंतरं च काउं, गंतुं चक्केसरीए देवीए ।। सो साहइ वुत्तंतं सयलं, आमूलपज्जंतं ।। १९७४ ।। रणझणिर-रयण- किंकिणि- कलावबंधुर -पडाइया लडहं ॥ नीलिंद-नील- मरगय-मऊह- हरियायमाणरविकिरणं ।। १९७५ ।। वरपउमरायमणिचय-किरणनहाभोयविहियकमलवणं ॥ नवहरिचंदणदलचयनिम्मिय मंगल्लदामसंदोहं ।। १९७६ ।। विलसंतहार-निउरुंबहसियसुरसिंधुबहलकल्लोलं ।। उल्लसियचारू -चामर-निज्जयखीरोयफेणसंघायं ॥ १९७७ ।।
Jain Education International 2010_04
For Private & Personal Use Only
www.jainelibrary.org
