________________
३७४
सिरिपउमप्पहसामिचरियं
चाडूण पायडंतो निसुओ कमलाए तस्स भज्जाए । ईसा मच्छरनिब्भरफुरंतदंतच्छयदलाए ।। १९५२ ।। आपुट्ठ नियय विज्जामुहेण मुणिऊण वइयरं सव्वं ।। तीए हंसी मुक्का, आयड्ढिय पंजराहिंतो ।। १९५३ ।। हंसी वि सबरसेणं, अडई, उद्दिसिय नगवराहिंतो।। चलिया कुमार-दसण- संभासण - लालसा तुज्झ ।। १९५४ ।। एयम्मि रम्मभवणे, वीसमिउमणाए दिव्वजोएण ॥ निसुओ तुह संलावो, पच्चक्खं तुह तुमं दिट्ठो । १९५५ ॥ कामंकरि माहप्पा, माणुस- भासाए जंपमाणा सा ।।। पत्ता तुहं कपालिं, एवं चरियं नियं कहियं ।। १९५६ ।। जो उण विजिओ तुमए वीसभूओ खेयरो इमं मन्ने ।। तरुणी मयंकखयरं विज्जासत्तीए इह पत्तं ।। १९५७ ।।
अह तिलयमंजरी सा नाउं नियभइणि वयइरं सव्वं ।। विलवेइ तारतारं, तद्दुहसंजायदुह-निवहा ।। १९५८ ।। हा सामिणि ! सजायं भवम्मि एत्थेव तुज्झ तिरियत्तं ।। हा तुमए सुहवासिणी ! पंजरवासो कहिं सहिओ ॥ १९५९ ।। नृणं तुमए कस्स वि विरहो विहिओ उवेहिओ तह य॥ सामिणि ! मए वि जायं फलमेयं तस्स कम्मस्स ।। १९६० ।। अह चंदचूडतियसो सलिलं नियपाणिपंकए काउं ।। अच्छोडइ तं हंसिं निययाए दिव्वसत्तीए ।। १९६१ ॥ तो झ त्ति दिव्वसत्ती माहप्पेणं रवन्नलावन्ना ।।। हंसी पुणरवि कन्ना संजाया चारुतारुन्ना ।। १९६२ ॥ अह सा असोयमंजरि, कन्ना तह तिलयमंजरी कन्ना ।। सप्पणयं ससंरंभं, परिरंभं झ त्ति कुव्वंति ।। १९६३ ।। कुमरस्स वि कन्नाणं ताणं दुन्हं पि दंसणे सहसा ।। हरिसो वयण- विसेसा विसओ को वि हु तया जाओ ।। १९६४ ।।
Jain Education International 2010_04
For Private & Personal Use Only
www.jainelibrary.org
