________________
३७०
तह किलिकिलिसंरावं, कायर-मण- कंप-कारणं घोरं ॥ पयडंतो अइपयडं निब्भच्छंतो य तं कुमरं ॥ १९०२ ॥ एवं जहक्कमेणं, धारितो भिन्नभिन्नवावारं ॥ आणणदसगं नहयल - पहेण सयमेव संपत्तो ।। १९०३ ॥ (सप्तभिः कुलकम्)
सो कीरो पेच्छंतो, अहिणवदसकंधरं व तं सुहडं ॥ भयभीओ कुमरं चिय, सरणं सहसा समल्लीणो ॥ १९०४ ॥
सो वि भयंकरपुरिसो, कुमरं पइ वयइ पाव ! निल्लज्ज ! ॥
रे रे अणज्ज नियकुल- कलंक - विहिसज्ज अज्ज न हु होसि || १९०५ ॥
मह जीविय सव्वस्सं हंसि उच्छंग-संगयं काउं ॥
सिरिपउमप्पहसामिचरियं
इह चिट्ठतो मरणं, पावसि रे पाव ! निब्भंतं ॥ १९०६ ।।
1
कुमरो वि आह रे रे ! बीहावसि मं इमेण रूवेण ॥ बीहंति ताल - घाया, देउल - पारेवया नेय । १९०७ ।। मुंचसु मह दिट्ठिपहं, नाससु रे मूढ ! जीवियग्गाहं || अन्नह दसहिं सिरेहिं, दिसिवालबलिं करिस्सामि ॥। १९०८ ॥ अह चंदचूडतियसो, कलाविरूवं चइत्तु सुर - रूवं ॥ काउं पहरण जुत्तो, संपत्तो कुमारपासम्म ।। १९०९ ।। अह तिलयमंजरीए, मोत्तूण पाणि कमलम्मि || संजमिय केसपासो तं निय तुरयं समारूढो । १९१० ॥
तह चंदचूड-दिन्नं पयंडकोदंड-मसमसरविसरं ।। काऊण करे कुमरो, अब्भट्ठो तस्स सुहडस्स ॥ १९११ ॥ (जुयलं) ते दो विहु अफ्फालिय धणु-गुण- टंकारव - हिरियदियंता ॥ मुंचंता सर - विसरं, असरिसरोसेण पहरंति ॥। १९१२ ॥ आय ंति य निय निय धणुजीवं निय विपक्खजीयं च ॥ मुंचति य सरवसरं, नियजसपसरं च ते धीरा ॥। १९१३ ।। कलिऊण दूरघाइणमसमपहारिणमणंतबलकलियं ॥
Jain Education International 2010_04
For Private & Personal Use Only
www.jainelibrary.org
