________________
रयणसारकहा
३६९
अहिलसइ को वि इण्हि, कयंतदंतंतराल-संवासं ।। इय परबलाण धीरो, संरावो तेहि अह निसुओ (जुयल) ॥ १८८९ ।। आययणदार-देसे, किरो होऊण जा निरूवेइ ।। ता पेच्छइ विज्जाहर-सेन्नं गयणंगणे इंतं ॥ १८९० ॥ तित्थाणुभावओ वा, अहवा कुमरस्स पुन्नमाहप्पा । निय धीरिमाए अहवा, कीरो तं हक्कए सिन्नं ।। १८९१ ।। कि रे खेयरवीरा ! आगच्छह एत्थ किं न पिच्छेह ।। पुरओ कुमारमेयं, नियभुय-परिहविय तिइलोक्कं ॥ १८९२ ॥ दूरम्मि निययभूमी, पलायमाणाण रे धुवं होही । कोभिमुहो नणु रुटे, जमम्मि अहवा कुमारम्मि ॥ १८९३ ।। सोऊण इमं ते वि हु, सच्छ-स-विम्हय-विसाय-पडिहत्था ।। नियनायगस्स पुरओ, गंतुं साहंति तं सव्वं ।। १८९४॥ को वि हु सुयरूवेणं, विज्जइ भवणस्स दारदेसम्मि । अम्हारिसा न सक्का, सामिय! हक्कं पि से सहिऊं ॥ १८९५ ॥ जो उण चिट्ठइ कुमरो, भउहा-विक्खेवमेत्तजियभवणो ।। वत्ता वि न से सामिय पुच्छेयव्वा कहेयव्वा ।। १८९६।। अह विज्जाहरराया, भंगुर-भडभिउडी-भासुर-निडालो ।। रोसातंबिरनयणो, एवं विउरुव्विउं रूवं ।। १८९७ ।। असि-फलयजुयं दोहिं, दोहिं करेहिं सकंडकोदंडं ।। गुरुमोग्गरं च दोहिं,दोहिं धमायतवरसंखं ।। १८९८ ।। कडतल्ल-कुंत-सव्वल-तीरी-वावल्ल-भल्लसेल्लाणि ।। असि-घेण-सत्ति-पतिस-तिसूल-चक्काणि सेसेहिं ।। १८९९ ।। बारसहि नियकरहिं, कलावं तो वीस हत्थदुप्पेच्छो । हुंकारं मुंचंतो सीहनिनायं च कुव्वंतो ॥ १९०० ।। ... गज्जंतो य हसंतो, हक्कंतो नियवलाणि तज्जंतो ।। वरसंखं वायंतो, जवमाणो दिव्ववरमंतो ।। १९०१ ।।
Jain Education International 2010_04
For Private & Personal Use Only
www.jainelibrary.org
