________________
रयणसारकहा
मक्का खंड-पयंड-कंडनिवहं को दंड-दंडं करे । रे रे काउमनन्त्र-पोरिस-रसावेसेण धाणुद्धरा ॥१८१३।। हत्थं गच्छह गच्छह त्ति तरुणी चोरं धरेह च्छलं । काउं,जेणमिणं हरित्तरमणिं दत्थं जयं निम्मियं ॥१८१४।। इय पिच्छिराण तिस्सा हरणं वीराण दूरमुल्लसिओ। अवरुप्परसरंभाहवणघणो तमलसंरावो ॥१८१५॥ कणयद्धयनरनाहो कन्नाहरणं मणित्त तारसरं । संतेउरपरिवारो विलवइ विगलंतनेत्त-जलो ॥१८१६॥ पडिबंध-बंधरं नियसयणजणं परिहरित्त हा वच्छे !। दोलाकीलारसिया कत्थ गया तं न याणामो ? ॥१८१७।। किं दहसि मज्झ देहं अमयरसासारमहरसव्वंगि ।। वच्छे असोयमंजरि ! कहं ससोयं कुणसि लोयं ।।१८१८।। कलकंठचारुहासिणि दूरे चिट्ठतु तुह इमे सयणा । नियजयलसंभवं पि ह जामिं परिहरसि किं मद्धि ! ॥१८१९।। अह नरवइणो कहियं केण वि सा तिलयमंजरी कन्ना ।। मच्छामिलियच्छिपडा चिट्ठइ धरणीयले ललिया ॥१८२०।। सिसिरोवयारवावडकरनरपरिवारिओ तहिं राया । पत्तो तिस्सा मच्छा विच्छेयणत्थं कणइ जत्तं ॥१८२१ ।। चंदणरसेण सिंचइ ससलिलकयलीदलेहि वीएइ ।। वियसिय नवपंकेरुहनियरं वियरइ कवोलेस ॥१८२२।। कह कह वि हु सा मुद्धा उम्मिलियलोयणा इमं वयइ । हा सामिणि गयगामिणि ! वरभामिणि कहसु तं कत्थ ? ॥१८२३॥ सो निक्कित्तिमनेहो सो वि सुहा-महुर-वयण-वित्थारो । तं हसिय कमलकाणणहसियं हसियं कहसु कत्थ ? ॥१८२४।। सो वि ह लीला हेला निज्जियसरतरुणिगव्वसव्वस्सा । सो वि हु कलाविसेसो पुणरवि हा कत्थ दट्ठव्वो ? ॥१८२५।।
Jain Education International 2010_04
For Private & Personal Use Only
www.jainelibrary.org
