________________
सिरिपउमप्पहसामिचरियं
मणहरमसोयकाणणनामं पत्ताउ ताउ आरामं । पिच्छंति काणण-सिरि पसइ सरिच्छीहि अच्छीहिं ॥१८००।। अह चारु-दारु-घडियं मणिजडियं रम्म-चमर-मण-हरणं । जव-जण-मण-हिंदोलण-मंदोलण-मसम-सिरि-कलियं ॥१८०१॥ रत्तासोयसुसाहादढबद्धमसोयमंजरी कन्ना । उल्लसिय कोउहल्ला आरूढा भुवणपच्चक्खं ॥१८०२।। पढमं च तिलयमंजरि कनाए तरुण-नयण-चित्तेहिं । सहसा कुमार सहसा अमंदमंदोलिया बाला ||१८०३।। साहंतरालदेसे तिस्सा नवपायघायपरितुट्ठो । नवपल्लव-रोमंकर-दंतरिओ सहइ किंकिल्ली ।।१८०४।। पल्लविओ किंकिल्ली उल्लसियं नहयलम्मि ससि-बिंबं । अंदोलियाई जुवजणमणाणि अंदोलयंतीए ॥१८०५।। रणझणिर-रयण-मेहलरम्मं रमणत्थलं मयच्छीए । दोलाकीलालालसम्मि व गाढं किलकिलेइ व्व ॥१८०६।। कसमसरकित्तितरुणी सहरिससमसीसियाए विलसंती । गयणयले सा बाला वेगावेगं समारूढा ॥१८०७॥ तरुणेसु सरोमंचं सामरिसं तरुणरमणि-निवहेसु । पिच्छंतेसं चित्तं जं वित्तं कमर ! तं सणस ॥१८०८।। सरंभं सहयारकुंजकयली कंपावणे मारूदे । वेगावेसवसा तड त्ति रभसा तट्टम्मि हिंदोलए ॥१८०९॥ एसा गच्छदि गच्छदि त्ति बहले लोयाण कोलाहले ।। बाला केलिरसद्धरावहरिया केणा वि दोला जया ॥१८१०॥ हेलल्लासिय-चारु-चामरवरं काउं करंभो रुहे । दोलादंडजयं नहम्मि सहए दूरम्मि गच्छंतिया ।।१८११ ।। पायालं तह मच्चलोयमखिलं जेउं पडाया जया । सग्गेसग्गविलासिणीण विजए एसा धुवं वच्चए ।।१८१२।।
Jain Education International 2010_04
For Private & Personal Use Only
www.jainelibrary.org
