________________
रयणसारकहा
वम्मह-लीलागारं वियारसय-सहस-नयर-पायारं । परिवडिढय लायण्णं तारुण्णं ताउ पत्ताओ ॥१७८७॥ तरुणीहि कयं दोहि वि वम्मह-सर-विसरजज्जरं भुवणं जह कसम-घण-समागम-सिरीहि समकाल-पत्ताहिं ॥१७८८।। कणयद्धय-नरनाहो मयरद्धयजयपडायजुयलं व । पिच्छिय कन्नाजुयलं वरम्मि चिंताउरो जाओ ॥१७८९।। चिंतइ मणम्मि जइ हज्ज हंत एयाण भिन्नवर-वरणं । ता मरिहंति परुप्पर-विरहेण इमाउ निभंतं ॥१७९०।। किं को वि जवा होही जम्मंतरविहियसकयसंभारो । करकमलमउलगहणं दण्ह वि एयाण जो करिहि ।।१७९१ ।। सो नत्थि च्चिय इह जो इमाण इक्कं पि लहइ वरकन्नं । तो कणयद्धयराया सल्लियहियओ कहं होही ॥१७९२।। जणयं दरंतचिंता पारावारम्मि खिवइ वड्ढंती । एक्का वि धवं कन्ना बयाणं ताण किं भणिमो ॥१७९३॥ चिंताभल्लीसल्लियमणस्स मासा वि वरिससयसरिसा । कह कह वि ह वक्कता जगलक्खसमा समा रनो ॥१७९४।। सहसा वियासयंतो सहवणलच्छीए मारवीरस्स । भवणत्तय-जयकित्तिं वसंतसमओ समणपत्तो ॥१७९५।। जित्तं पंचसरेण सव्वभुवणं तत्तो वसंतो इमो । तब्भिच्च व्व चिरं हसेइ महरंगाए संनच्चए ॥१७९६।। मल्लिफल्लमिसेण कोइलकलारावच्छलेणं वहा । मंदं मारुदकंपिदाहिलवलीसाहाभयाहिं धवं ॥१७९७॥ अह कमर ! ताओ दन्नि वि रवन्न-लावण्ण-पन्न-तारुन्ना । कन्ना चलंति काणणलच्छिं सा पिच्छिउं सहसा ॥१७९८॥ जंपाण-जाण-लंघिणि-तुरंग-गय-कलह-लेसरारूढा । समवेस-सहि-समूहा सह चलिया ताहि कन्नाहिं ॥१७९९।।
Jain Education International 2010_04
For Private & Personal Use Only
www.jainelibrary.org
