________________
रयणसारकहा
३५७
सूरा जयम्मि विरला, उदारचित्ता तओ वि विरलयरा । परदक्ख-जाय-दक्खा विरलतमा तिहयणे परिसा ॥१७३५॥ अबलाण तरलनेत्ताण तहय भीरूण कुमर ! तं चेव । सरणं जम्हा तत्तो,तह पुरओ साहइस्सामि ॥१७३६॥ एत्थंतरम्मि काणण-समूल-निमूलणिक्क-वावारो । दुव्वारो खर-निब्भर-विराव-संजणिय-सवण-जरो ॥१७३७॥ केसरि-किसोर-केसर-धूसर-मच्छलिय-धूलि-निवहेहिं । दस दिसि-भत्ति-विराय, सहस च्चिय तह वि उव्वंतो ॥१७३८॥ तावस-कहण-मणोरह-रहस्स पब्भंजणो महाघोरो । संतासिय सवणजरो पभंजणो वाउमारद्धो ॥१७३९॥ तिसृभिःविशेषकं कीर ! कुमराण तेण वि समीरवीरेण नयण-वयणेसु । दाऊण धूलि-निवहं, सो तावस-सेहरो हरिओ ॥१७४०॥ हा ! पबलसत्ति-निज्जिय-कुमार ! हा हारिरूव-जियहार ! । हा चत्तमार ! हा हा कमार ! हा पवरपरिवार ! ॥१७४१ ।। हा तरुणि-लोय-लोयण ! सिहिकलजलवाह ! रक्ख रक्ख त्ति । केवलमिणमो तेहिं,पलावसद्दो तहिं निसओ ॥१७४२ ।। (जयलम्) अह जमजीहकरालं, करवालं सो करित्तु करकमले । रे हरिय मज्झ जीवियसव्वस्सं जासि कहसु कहिं ? ॥१७४३॥ इय जपतो कुमरो, अणुसदं सद्दवेहि बाणो व्व । गुरुवेगावेगेणं, पहाविओ केत्तियं भूमिं ॥१७४४॥(जयलं) पिच्छित्तु तमच्छरियं,कुमारचरियं सुएण वज्जरियं । किं कुमर !पामरो वि य मुद्ध !महा विप्पलद्धो सि ॥१७४५।। हरिय मुणीसररयणं, रयणं चोरो व्व कुमरनिब्भंतं । संपइ पयंडपवणो, जोयणलक्खेहिं अंतरिओ ॥१७४६॥ नूणं न एस तावस-पुरिसो एसो नया वि गंधवहो । अवरं किं पि वियाणसु, निम्मिलियच्छो धुवं कज्जं ॥१७४७॥
Jain Education International 2010_04
For Private & Personal Use Only
www.jainelibrary.org
