________________
३५६
सिरिपउमप्पहसामिचरिय
ता जइ विज्जइ चित्तं इमम्मि कुमरम्मि विविहभंगीहिं । कुणसु सयं सक्कार अवरवियारेहिं पज्जतं ॥१७२२॥ इय जंपिरस्स तावसकुमरेणं तस्स कीर-रायस्स । नवकमल-मउलमाला खित्ता कंठम्मि हिट्टेण ॥१७२३॥ भणियं च कमर तं चिय धन्नो तह चेव तियणे रेहा । कीरो वि जस्स एरिस उत्तम-करणम्मि अइचउरो ॥१७२४॥ उत्तरसु तुरंगाओ करेसु अम्हे वि एत्थ सकयत्थे । विहलीकरंति कस्स वि कह वि न अब्भत्थणं गरुया ॥१७२५।। वियसियकमलं पल्ललमेयं तरु-तरुण-मंजरिसनाहं । काणण-महव-सयं चिय अम्हे वि हु तुज्झ आयत्ता ॥१७२६॥ अवयरियस्स हयाओ तवस्सिणो तेण तस्स कुमरस्स । गिरि-सर-सरियापमुहं सयमेव पयंसियं सव्वं ॥१७२७॥ कयली -फलाणी सरसी-जलाणि लवली-दलाणि सप्पणयं । उवणामियाणि तेणं तवस्सिणा तस्स कुमरस्स ॥१७२८॥ भत्तत्तरम्मि कीरो पच्छइ पडिहत्थचारुतारुन्ने । भयवं विरायकारणमिह तुह किं कहसु संजायं ॥१७२९।।। एसो पहाणजद्दरजुग्गो सुकुमालकडियलाभोगो । कक्कस-वक्कल-निवसणबंधं न सहइ जगते वि ॥१७३०॥ एसा निज्जिय-कज्जल-कुवलयकालिंदि-वहल-कल्लोला । कंतलवल्ली न सहइ कया वि निविडं जडाबंधं ॥१७३१ ।। एयं पि पंचमंगं अणंगमंगलनिहं तिलोयस्स । न य णालि-कमल-काणण-महि-वंछइ नेव तिव्वतवं ॥१७३२॥ ता किं वेरग्गेणं किं वा कवडेण दिव्ववसओ वा । देवाभिओ गओ वा कहस तवं किं पवनो सि ? ॥१७३३॥ तं सुणिय तावसो वि हु, अविरल-विगलंत-नेत्त-नीरेहिं । अग्घंजलिं व दिंतो, कमरं पइ जंपए एवं ॥१७३४॥
Jain Education International 2010_04
For Private & Personal Use Only
www.jainelibrary.org
