________________
अनंतकित्तिकुमरकहा
३४५
निट्ठविय अट्ठकम्मो, संपत्तो सासयं ठाणं ॥१५८१ ।। दिव्वाए वि तरणीए, विविहं अब्भत्थिएण जह नियमो । निव्वाहिओ इमेणं, तहेव कव्वंत अने वि ॥१५८२॥ इति चतुर्थाणुव्रते अनन्तकीर्तिकथानकं समाप्तम् || गाथा-४४८५ ॥ परिग्रहपरिमाणवते रत्नसारकथानकम् - परदारपरिहारो निरूविओ गिहिवए चउत्थम्मि । इण्हिं परिग्गहमाणं फुडं पवंचेमि पंचमए ॥१५८३॥ इह धण-कण-कुवियाणं रुप्प-सुवनेण खित्त-वत्थूणं । दुपयाण चउपयाणं माणं सव्वाण कायव्वं ॥१५८४॥ गणिमं धरिमं मेयं पारिच्छिज्जं धणं पि चउभेयं । पूगाइसक्कराई कमसो जीराइवत्थाई ॥१५८५॥ धनाणि चउव्वीस सेसा भेया हवंति सुपसिद्धा । धनाणि पण इमाई जणेस सिद्धंतभणियाणि ॥१५८६॥ धनाणि चउव्वीसं जव-गोहुम-सालि-वीहि-सट्ठिया । कद्दव-अणया-कंगू-रालय-तिलय-मग्ग-मासा य ॥१५८७।। अयसि-हरिमेत्थ-तिउडग-निप्फाव-सिलिंद-रायमासा य । इक्खू-मसूर-तवरी-कलत्थ तह धन य कलाया ॥१५८८।। आरंभ-संसरंभा वयंति जे न वि परिग्गहग्गहाइं । ते पाव-परिक्कंता, पडंति निरयंधयारम्मि ॥१५८९॥ निग्गहिय कोह-जोहा वि दंत-दुइंत-गइंदा वि । विणिरंभियदंभा वि हु पडंतिलुद्धा धुवं नरए ॥१५९०॥ कोडीसराण पहईसराण अमरे सराण अहिययरं । संतोसवज्जियाणं वड्ढइ लोहो अहो निच्चं ॥१५९१ ।। विलसंत-सुसिद्धंता वि फुरिय-तव-तेयवंता वि । माहप्प-महंता वि ह भमंति भीमे भवे लद्धा ॥१५९२।। पावाणमूलकारणममंदकंदो य वसण-वल्लीणं ।
Jain Education International 2010_04
For Private & Personal Use Only
www.jainelibrary.org
