________________
अनंतकित्तिकुमर कहा
मणिचूलसुरो तत्तो, गंतुं विन्नवइ नरवरिंदस्स । पत्तो अणंतकित्ती, बारसवरिसाउ तुह पुत्तो ॥ १५५६॥ किं सच्चं ति विचिंतइ, जाव निवो ता विमाणमज्झाओ । नीहरिउं अवयरिओ, पासाए तम्मि सो कुमरो || १५५७।। महि-मिलिय-मउलि-कमलो पणमंतो वियसियच्छिपत्तेण । नियपाणिपल्लवेणं उच्छंगे ठाविओ रत्ना ॥ १५५८ || निय-पुत्त-दंसणुब्भव-हरिसो हियाउ नरवरिंदस्स । बाह - पवाह-मिसेणं अहिओ निगच्छइए तइया || १५५९ ॥ जयलच्छी वि कुमारागमणं सोऊण तत्थ संपत्ता । तं उच्छंगे कलिउं, उवलाल विविहभंगीहिं ॥१५६०॥ पवीसावइ पुरमज्झे कुमरं राया वि से परियरिओ । नवबहुयाहिं समेयं रइपीइजुयं अणंग व्व ।।१५६१ ।। मणिचूलो वि हु सव्वं सिंधुरहरणाइकुमरवृत्तंत्तं । रनो कहिं पवत्तो सिरीजुत्तो नियं ठाणं ॥ १५६२ ॥ कयकिच्चो विव राया परिवालिय कित्तियाणि वरिसाणि । निय रज्जं तस्सेव य दाउं कुमरस्स पव्वइओ ॥१५६३॥ हारि - विहार - समूहं कारइ वारइ जीवसंहारं । रहजुत्ता उज्जत्तो सो वि पयट्टावए नयरे || १५६४॥ निरवज्जं नियरज्जं परिवालिय वच्छराणि लक्खाणि । समयंतरम्मि मणिमयपासायसिरे समारूढो || १५६५ ॥ ता विच्छ - गुच्छ - सच्छह - घण - मज्झे सो वि पिच्छए रम्मं । धणुहं पियरहियाणं तोरणमिव मच्चु भवणस्स ॥१५६६॥ चं चेव अपिच्छंतो अणतकित्ती वियक्कए चित्ते । पिच्छह पयत्थ-सत्था कह हुंति सहावओ गयणे ॥१५६७॥ धणुहमिणं घेत्तूणं धारासारं सया वि वरिसंतो । गंभीरं गज्जंतो पहरइ गिण्हामि जलवाहो ॥ १५६८॥
Jain Education International 2010_04
For Private & Personal Use Only
३४३
www.jainelibrary.org
