________________
अनंतकित्तिकुमरकहा
३४१
आणय-पाणय-आरण-अच्चुय-पमुहेसु देवलोएसु । चिट्ठति जं विमाणा तं सव्वं धम्म-माहप्पं ॥१५३०॥ सो उण अणंतकित्ती जलनिहि मज्झम्मि अमुगदियहम्मि । तुमए उद्धमुहीए निवडंतो झ त्ति गहियव्वो ॥१५३१॥ इय सुय मुणिंदवयणा जलनिहि मज्झम्मि जावचिटठामि । ता तत्थ मए दिट्ठो तमं पि नीओ य नियभवणे ॥१५३२॥ विहिया मए परीक्खा सकोउहल्लाए तज्झ सीलस्स । सुरगिरीचूला सरिसं मणयं पि मणं न ते चलियं ॥१५३३ ।। जिणवयण-हत्थिमल्लं आरुहिउं जेहि सीलकुलिसेण । हसिओ मयणमरट्टो ताण नमो धीरवीराण ॥१५३४॥ जे सील-पालणत्थं लीलं अवहीलयंति लीलाए । दिव्वाण वि तरुणीणं ताण नमो भवणवीराणं ॥१५३५।। उप्पत्रकेवला वि ह जाण पसंसति सीलमाहप्पं । भवणजणसेहराणं ताण नमो सीलवंताणं ॥१५३६॥ इय जाव सा पयंपइ मणिचूलसुरो वि ताव संपत्तो । सव्वं पि ह वत्तत्तं साहइ सिरिदेविकमराणं ॥१५३७॥ तक्खण-निम्मिय-मणिमय-विमाण-मालाए लच्छिदेवीए । मणिचूलेण य सहिओ पत्तो चंपाए सो कुमरो ॥१५३८॥ मणिचूल-सर-समाणिय-कमलावइसंजओ तओ कमरो । सुरतरुणिगीयचरिओ पयावमउडाइपरीयरिओ ॥१५३९।। महया विच्छड्डेणं पविसइ अमरावइए इंदु व्व । चंपापुरीए बंधुर-सिंधुर-कंधर-समारूढो ॥१५४०।। अह दिण-दुग-पज्जते सिरिए साहित्तु सयण-वग्गस्स । नीओ भीमपुरीए कुमरो जिणभवणकज्जम्मि ॥१५४१ ॥ सो अजियनाहसुमरण-पुव्वं कम्मं पइट्ठिउं कुमरो । कारावइ जिण-भवणं पइट्ठियं तं च सुगुरूहिं ॥१५४२॥
Jain Education International 2010_04
For Private & Personal Use Only
www.jainelibrary.org
