________________
सिरिपउमप्पहसामिचरियं
मन्ने कलंकमलिणं अप्पाणं चिंतिऊण हरिणको । एसो तवं पवनो, कलंकपंकावहारत्थं ॥८८।। कन्नाभिगमणदूसणहरणत्थं वा तवेइ किं तवणो ?! अहवा एस जयंतो, तवइ तवं सावपब्भट्ठो ॥८९।। किं तवइ एस मारो, कुमारविजयाय निच्चमुज्जुत्तो । नामं पि हु निविउं, कामस्स इमो कुमारो वा ॥९०॥ सुर-असुरखयरकिन्नर-नरिदवंदेहिं सायरं मुणिणो । वंदिज्जंते जं तं, तवस्स महिमाए महमहियं ॥९१॥ सग्गापवग्गनवपुरपविसिरनरविसरमंगलुग्गारा । दुहसेलकुलिसधारा, धम्मकहा पत्थुया मुणिणा ॥९२॥ इह दुलहो नरजम्मो, दुलहा सुकुलुब्भवाय सामग्गी । दुलहो जिणिंद-धम्मो पमायचाओ तहा दुलहो ॥१३॥ संपत्तं सामग्गिं जो हारइ विसमविसयविसगिद्धो । सो मानस-सरसलिलं, मुंचइ मायण्हिया कज्जे ॥१४॥ विसयामिसलवगिद्धो सिवसम्मकरं पि चयइ जो धम्म । गंधव्वनयरकज्जे, सो धुवममरावई चयइ ॥१५॥ वज्जित्तु तो पमायं विसयसुहासंगरंगमुज्झित्ता । कयसम्मे जिणधम्मे, सम्म उज्जमह आजम्मं ॥१६॥ जोयणसहस्ससोलससलिलसिहासेहरो वि जलरासी । जं न विरिल्लइ वसुहं, तं जाणसु धम्ममाहप्पं ॥१७॥ हाल-हरि-नरिंद-चंदा, असुरिंद-खयर-नागिंदा । . सव्वे वि जिणवरिंदा हवंति धम्मप्पसाएणं ॥९८॥ किं पयडह पयसेवं नरिंद-गोविंद-खंद-इंदाणं ? || इक्कं करेह धम्म, हवंति जं ते वि धम्मेणं ॥१९॥ सो वि हु चउप्पयारो, चउगइ-भव-तिक्ख-दुक्खसंहारो । भणिओ जिणेहिं दाणं, सीलं तव-भावणा चेव ॥१०॥
Jain Education International 2010_04
For Private & Personal Use Only
www.jainelibrary.org
