________________
३३८
केवलनाणि मुणीसरमिह अत्थे कमवि पुच्छिस्सं ॥१४९१ ॥ कित्तियमित्तं कालं एत्थ विलंबेस जंपिओ एयं । अहयं पत्ता पासे जयंतसेणस्स केवलिणो ॥१४९२ ॥ सम्मेयसेलसिहरे खेयर - सुर-असुर-वंतर - सहाए । धम्मं पयासयंतो सो दिट्ठो केवली भयवं ॥१४९३ ।। सो तत्थ य संदेहं पुट्ठो दुट्ठट्ठ-कम्म-निट्ठवणो । साहइ भीमनराहिव - वेरी संहरइ तं भवणं ॥। १४९४ ।। तहाहि
सिरिपउमप्पहसामिचरियं
सावथिए पुरीए भीमो जम्मंतरम्मि नरनाहो । आसि मयंको नामं पायं परदाररमणमणो ।। १४९५ ॥ सो नियसामंतेणं निम्मविउं बंधुदत्तनामेण । भुंजइ विविहभोज्जं सपरियणो तस्स भवणम्मि ॥१४९६॥ हरिणक-किरण-निम्मल - सीलालंकारहारिणी तरूणी । तस्सासि पट्टदइया हरिणी नामेण हरिणच्छी ॥१४९७ ॥ सो तेण गोविया विह मयंकराएण दिव्वजोएणं । अवयवमित्तेणं चिय दिट्ठा रायंधचित्तेण ॥१४९८ ।। तक्खणमब्भुववनो राया काऊण भोयणं किंचि । मग तं चिय तरुणिं किमकज्जं मयणनिहयाणं ॥१४९९ ॥ तत्तो य बंधुदत्तो जंपइ नरनाह ! मज्झ जीयं पि । तुह आयत्तं कित्तियमित्तं सीमंतणी एसा || १५०० || सामि ! तुमं नियभवणे गच्छसु पच्छा गिराहि महुराहिं । संभासिय तं मुद्धं सुर्द्धते तुझ पेसिस्सं || १५०१ || तब्भत्तिहरियचित्तो तत्तो राया नियत्तिओ सहिं । गच्छइ पच्छा भणिया पसयच्छी बंधुदत्तेण ॥१५०२॥ देवि ! मयंको राया मयंकबिंबं व पयडियकलंको । तं भासइमिच्छावि हु जं न वि भासंति कहकह वि ॥१५०३ ॥
Jain Education International 2010_04
For Private & Personal Use Only
www.jainelibrary.org
