________________
अनंतकित्तिकुमारकहा
३२९
रोलंबरोलमहला परिमल उग्गारवासियदियंता । वियसियकसमसमूहा दसद्धवत्रा पइना य ॥१३७९।। मणिमंदिरदारेसं दिनो मुत्तिय चउक्कउक्केरो । विहिया य हट्टसोहा पहे पहे देवसेहिं ॥१३८०।। इय चिंधवेजयंती अलं व निउरंबबंधुरो तेहिं । रयणमयमंचनिचया ठाणे ठाणे व निम्मविया ॥१३८१ ।। इय सुरनरेसराणं ताण वि विविहं पवेससामग्गिं । कव्वंताणं दियहा दुन्नि वि लग्गा तहिं नयरे ॥१३८२।। सो केरिसो कुमारो सा वि हु कन्ना वि केरिसी हुज्जा । नयणमहूसवसरिसो ताण पवेसो कहं होही? ॥१३८३।। जइ दिव्वं अणकूलं जइ वि ह अम्हाण दीहरं जीयं । नूणं पभायसमए पिच्छिस्सामो तओ सव्वं ॥१३८४।। इय हरिसनिब्भराणं जणाण पइमंदिरम्मि आलावा । उल्लसिया समकालं तईया चंपाए नयरीए ॥१३८५।। इत्तो य विवरदुग्गे जो जोइंदो इमेण कुमरेण । नासिय विज्जो पुव्वं मरिऊणं रक्खसो जाओ ॥१३८६।। सो पावो अवहीए कमरं पिच्छेइ तम्मि पासाए ।। कमलवईए सहियं हरियं मणिचूलतियसेणा ॥१३८७।। जम्मतरियं वरं समरिय सहसा फरंतअहरूट्ठो । उन्भडभिउडीभंगुरकरालभालयलदुप्पिच्छो ॥१३८८॥ अंजणतमालसामो वामो नीसेसभुवणसत्ताणं । सो कमरहरणचित्तो पत्तो तं चेव जलभवणं ॥१३८९॥ मुह-कुहरंतर-विलसिर-जीहो गुरुवेग-वियड-भयदंडो । अइपिंग-जडिल-कंतल-पब्भारसिरो य सो रक्खो ॥१३९०॥ कंदर-विवर-विणिग्गय-भुयगो अक्खुडिय-पक्ख-जुयलिल्लो । जलियदवानल-सिहरो नज्जइ सो जंगमो सिहरी ॥१३९१ ।।
___Jain Education International 2010_04
For Private & Personal Use Only
www.jainelibrary.org
