________________
२२८
सिरिपउमप्पहसामिचरियं
एयं भणिज्ज निच्चं किं को वि हु भुवणमज्झयारम्मि । अत्थि महासाहसिओ समेइ जो इत्थ जलमग्गे ॥१३६६।। सोऽणंतकित्तिकुमरो सदं सोऊणं तुज्झ साहसिओ । अप्पं खवित्त सलिले भवणमिणं समागमिही ॥१३६७।। इय सुरगिराए एसा तहेव सव्वं करेइ वरकज्जे । संपइ तमं पि पत्तो सेसं तह चेव पच्चक्खं ॥१३६८॥ इय जा लवंगिया सा जंपइ ता तत्थ विविहतित्थेस । नमिऊण तत्थ भवणे मणिचूलसूरो वि संपत्तो ॥१३६९॥ निज्जिय मारकुमार कुमरं दठूण विम्हिओ हियए । कमलावई पयंपइ वच्छे ! सो एस तज्झ वरो ॥१३७०॥ साहस-विवेय-विक्कम-निरूवम-रूवाइगुणगणं जस्स । दठूणलज्जिओ विवसो वि जयंतो गओ सग्गं ॥१३७१ ॥ कमरं पि जंपइ सरो एसा नीसेसतरुणिजणतिलया । नियजम्मंतरधूया तज्झ मए संपयं दिना ॥१३७२॥ तत्तो तेसिं सहरिससरसंदरिगिज्जमाणचरियाणं । तत्थेव तेण विहिओ वीवाहमहसवो रम्मो ॥१३७३।। समनेहनिब्भराणं समवयरूवाण ताण संबंधं ।। पिच्छंतीहि सरीहिं अणमिसभावो को सहलो ॥१३७४॥ तस्स नवल्लवरस्स य काउं सव्वं दसाहिया पमुहं । मणिचूलसो तत्तो पत्तो चंपाए नयरीए ॥१३७५।। सो सयलं वत्तंतं पयावमउडस्स नरवरिदस्स । कमलावइकुमराणं साहइ परिणयण-पज्जतं ॥१३७६ ।। राया पयावमउडो मणिचूलसूरो य तत्थ चंपाए । ताण पवेसमहूसवसामग्गिं झ त्ति कुव्वंति ॥१३७७॥ तहाहि - मणिमयतोरणमाला गोउरदारेसु निम्मिया तेहिं । घणघुसिणचंदणरसो मग्गे मग्गे य पक्खित्तो ॥१३७८॥
Jain Education International 2010_04
For Private & Personal Use Only
www.jainelibrary.org
