________________
अनंतकित्तिकुमारकहा
३२५
हारि-विहार-किरीडा सरकुंडलमंडिया विवणिहारा । सा तरुणि व्व विरायडू नयरी पायारपावरणा ॥१३२८।। निम्मलगणगणरंजियदिसि-चक्को नियपयाव-जिय-अक्को । सत्तंजउ त्ति नामो जहत्थ नामो तहिं राओ ।।१३२९।। नियरूव-विजिय चंपयवना सव्वंगलडहलायन्ना । रनो चंपयमाला नामेणं पट्टदेवी त्ति ॥१३३०।।। रनो य तिस्स तिस्सा उयरसरो रायहंससारिच्छा । पत्ता पयावदिन्ना पयावमउडाइया जाया ।।१३३१ ।। सवियासकमलमाला समिणेणं ताण चेव उप्पना । नवकमलगब्भवना कन्ना कमलावई नाम ॥१३३२॥
अभिरामगणारामा समग्गजणनयणविहियवीसामा । तिहयणरामा तिलया सा बाला वड्ढए तत्थ ॥१३३३ ।। सा जम्मंतरनिम्मियअणनसामनपुनमाहप्पा । रनो तह देवीए जाया जीयाउ अब्भहिया ॥१३३४॥ सा जाव जव्वणभरं संपत्ता ताव विहियजिण-धम्मो । संजायविसुइरोगा सो राया दिव्वजोएण ॥१३३५।। अकयपरमिट्टिसरणो अमणिय नियमरणसमयपज्जतो खणमित्तेणं मरिउं महिड्ढिओ वंतरो जाओ ॥१३३६।। सो सयणमोहनेहा ताणं संपनपनमाहप्पा । मत्तं वंतर-सक्खं संपत्तो झ त्ति तत्थेव ॥१३३७॥ पत्तं पयावमउडं नियरज्जभरम्मि सो निवसेइ । अनं पि रज्जसत्थं कारइ दिव्वाए सत्तीए ||१३३८॥ सयलं पि कोससालं सवन-मणि-रयण-कोडिपडिपन्नं । काउं जंपइ एसो साहह अनं पि जं कज्जं ॥१३३९।। चंपयमालाईया सव्वे पच्छंति वंतरं सयणा ।। कमलावईए भत्ता को होही तुज्झ धूयाए ? ॥१३४०॥
Jain Education International 2010_04
For Private & Personal Use Only
www.jainelibrary.org
