________________
३२२
सिरिपउमप्पहसामिचरियं
सवियास-हेम-पंकयमासीणा कमलगब्भसमवना । नवनीलप्पलनयणा करयलपरिकलियनवकमला ।।१२९०।। निय अच्छि पिच्छिएहिं कवलवणं नहयलम्मि पयडंती । छणससी-समाण-वयणा दिव्वालंकार-नेवत्था ॥१२९१ ।। अंतो कमल-निरंतर-निवास-संजाय-गरुय-निव्वेया । बहि निग्गइ व्व तत्तो पच्चक्खा लच्छिदेवि व्व ॥१२९२।। लायन-पुनदेहा कन्ना सोहग्गपत्तजयरेहा । तियण-रमणी-तिलया उल्लसिया सरवराहिंतो ॥१२९३ ।। सा कणय-पंकय च्चिय उवविट्ठा चउदिसिं पलोइत्ता । करकलियंजलिबद्धा पणमित्ता अजियजिननाहं ॥१२९४।। उन्नामिय भय-नाला अइतारसरेण तिन्निवाराओ । जंपइ वसुहावलए किं को वि हु अत्थि साहसिओ ? ॥१२९५॥ इय वित्थारिय सद्दा सहसा तेणेव धवलछत्तेणं । भीय व्व सलिलमज्झे लक्कइ सा दिव्ववरतरूणी ॥१२९६॥ कुमरेण अवरतोरणखंभंतरिएण सव्वमवि दिव्वं । तं दिठें तो सहसा समरित्ता अजियजिणनाहं ॥१२९७।। मग्गम्मि चेव तिस्सा हत्थे गहिओ व्व झ त्ति तं तरुणिं । झंपावियं वियारं न सहइ साहस्सिओ कह वि ।।१२९८।। सो तिस्सा वयणेणं मंतेणाड्ढिओ व्व सरसलिले । पडिओ झ त्ति नियच्छइ हेट्ठा तं चेवमणिभवणं ।।१२९९॥ उवरिम भवणच्छाया सच्छहमच्छरियकोडिपडिहत्थं । जलकंतकिरणलहरीसदूरनिद्दलियजलनिवहं ।।१३००॥ मंडलतलावइनो पुणरवि पणमित्तु अजियजिणनाहं चिंतइ चित्ते एसो हंत किमेयं महच्छरियं ॥१३०१ ।। पायालसंदरी सा जलदेवी तिलयसंदरी अहवा ।। किं कज्जमिहं बाला निवसइ सर-सलिल-दग्गम्मि ॥१३०२।।
Jain Education International 2010_04
For Private & Personal Use Only
www.jainelibrary.org
