________________
अनंतकित्तिकुमारकहा
३२१
इय थुणिऊण कुमारो, बाहिं नीहरइ भवणमज्झाओ । अणमिसलोयणजयलो, तं पिच्छंतो विचिंतेइ ॥१२७८।। अच्छच्छमणिविणिम्मियमेयं पडिहाइ निम्मलं भवणं । पडिपत्र-पउमसरवर-उक्कलियं सलिलनिवहं च ॥१२७९।। अहवा - भवणस्स चेव मन्ने सरम्मि दीसंति सलिलरूवेणं । मिलिया बहकालेणं बहला मणि-किरण-लहरीओ ॥१२८०॥ अहवा - भवणस्स सरजलस्स य किंकिणिसद्देण हंससद्देण । विमलत्तपइट्ठाए सया वि वाओ अहं मने ॥१२८१ ।। इमिणा मणिभवणेणं अजियजिणालंकिएण सरसलिलं । विजियं तत्तो लद्धा विजयपडाया सरेहिंतो ॥१२८२॥ मन्ने मज्झ वि पुत्रं संपुत्रं पायडं इहं जायं । सयलसुहकरण-कारणमेयं जं दिट्ठमिह भवणं ॥१२८३॥ इय जाव सो वि चिंतइ तत्तो सहस त्ति सलिलमज्झाओ । सवणसुहो उच्छिलिओ गंभीरो दुंदुहीसद्दो ॥१२८४॥ जलचर - थलचर-नहचरसत्ता सव्वे वि तेण सद्देण । टहरिय-कन्ना जाया रम्मं सव्वस्स खल रम्मं ॥१२८५।। तत्तो धूमसमूहो तस्स य भवणस्स पच्छिमदिसाए । सरसलिल-मज्झ देसा अइबहलो झ त्ति उच्छलिओ ॥१२८६|| सो य नहंगणगामीण जइ अंजण-तमाल-दल-सामो । सरसलिलं गिण्हित्ता नियत्तिओ मेह-निवह व्व ॥१२८७।। जालामाला तत्तो उच्छलिया नहयलम्मि विलसंती । अंतो धूम-समूह मज्झे मेहं जहा विज्जू ॥१२८८॥ खणमित्तेणं तत्तो उच्छलियं धवल-दंड-मइंडं । छत्तं सरावलोयण-सपत्ताणंत-सारिच्छं ॥१२८९॥
Jain Education International 2010_04
For Private & Personal Use Only
www.jainelibrary.org
